"Azərbaycan dilinin qrammatikası" kitabı Misir mediasında

12:02 14.02.2020 Müəllif:Vüsal Tağıbəyli
Yazını böyüt
Yazını kiçilt

Misirdə ərəb dilində nəşr olunan "Azərbaycan dilinin qrammatikası" kitabı böyük maraqla qarşılanıb.

Hafta.az yazır ki, İsra Adil Mahmudun ərəb dilində yazdığı "Azərbaycan dilinin qrammatikası" kitabı Misir mediasında geniş şəkildə təbliğ olunmaqdadır.

Qeyd olunur ki, kitab əsas iki hissədən ibarətdir. "Birinci hissədə, Azərbaycan dilinin qrammatikası ərəb dilinidə sadə şəkildə izah olunub. İkinci hissə əsasən dialoq olmaqla yanaşı, Azərbaycanın böyük şəhərləri, dahi, görkəmli və tanımmış şəxsləri haqqında da yazılıb. Bu kitab Misirdə, ərəb dilində, Azərbaycan dilinin qrammatıkasını izah edən ilk kitabdır", - medianın xəbərlərində bildirilir.

Qeyd edək ki, İsra Adil ilk dəfə 2018-ci ildə Azərbaycan dili dərsini Qahirə Universitetinin ədəbiyyat fakültəsində, tədqiqatçı-alim Seymur Nəsirovdan alıb və hazırda Qahirədə diaspor mərkəzində bu dili daha dərindən öyrənməkdədir. Qahirədəki diaspor mərkəzində Misirin müxtəlif universitetlərində təhsil alan dünyanın 27 ölkəsindən olan 300-dən çox tələbə, Azərbaycan dili başda olmaqla müxtəlif fənnlər üzrə ödənişsiz təhsil alır.

İ.Adil Azərbaycan dilinin yayılmasında göstərdiyi səylərə görə diaspora tərəfindən mükafatlandırılıb.

Sosial rubrikasından digər xəbərlər