"JARA 2019"un kralı Kirkorov, kraliçası isə Aygün Kazımova oldu - FOTO 

12:31 27.07.2019 Müəllif:Hafta.az
Yazını böyüt
Yazını kiçilt

Bakıda keçirilən "JARA-2019" Beynəxalq Musiqi Festivalı yenə maraqlı sürprizlərlə doludur.

Hafta.az-ın məlumatına görə, bu dəfə möhtəşəm şou tədbirin sürprizini Rusiyanın Xalq artisti Filipp Kirkorov və Azərbaycanın Xalq artisti Aygün Kazımova təqdim edib.

F.Kirkorov azərbaycanlı həmkarını əsl kraliça, "diva" adlandırıb. Festivala isə birgə ifa etdikləri yeni mahnı ilə damğa vurublar. Mahnı "Calma" adlanır. Estrada ulduzları bu mahnıya klip də çəkdirəcəklərini bildiriblər.

Qeyd edək ki, "JARA-2019" musiqi festivalı 25-28 iyul tarixində Xəzər dənizinin sahilindəki ən gözəl istirahət mərkəzlərinin birində keçirilir. Bu il "JARA 2019"da 250-ə yaxın sənətçi iştirak edir.