“Azərişıq” gücləndirilmiş iş rejiminə keçdi

19:53 01.12.2019 Müəllif:Hafta.az
Yazını böyüt
Yazını kiçilt

"Azərişıq" ASC gözlənilən küləkli və yağıntılı hava şəraiti ilə əlaqədar gücləndirilmiş iş rejiminə keçib.

Qurumun mətbuat xidmətinin rəhbəri Tanrıverdi Mustafayev bununla əlaqədar "Azərişıq" ASC-nin sədri vəzifəsini icra edən Vüqar Əhmədovun xüsusi göstəriş verdiyini deyib.

Hafta.az “Qafqazinfo”ya istinadən xəbər verir ki, göstərişə əsasən, bütün ölkə üzrə şəbəkə rəisləri və texniki departamentik əməkdaşlarının iştirakı ilə növbətçilik müəyyən edilib.

"Onu da qeyd edim ki, hazırda "Azərişıq" rəhbərliyi başda olmaqla, Bakı şəhəri və regionlarda olan texniki departamentlərin, həmçinin qəza xidmətinin əməkdaşları hazırda iş başındadır. Baş verə biləcək qəza hallarının qarşısının operativ surətdə alınması məqsədi ilə əlavə mal-material, maşın-mexanizmlər ayrılaraq Bakı şəhəri ətraf kənd-qəsəbləri və regionlara göndərilib" - deyə Tanrıverdi Mustafayev əlavə edib.

"Azərişıq" sözçüsü istehlakçılara da müraciət edib: "Qeyd edim ki, "Azərışıq" ASC-nin 24 saat fasiləsiz fəaliyyət göstərən 199 saylı çağrı mərkəzi fəaliyyət göstərir və istehlakçılardan xahiş edirəm ki, baş verən kəsintilərlə bağlı bizim çağrı mərkəzinə məlumat versinlər".

Sosial rubrikasından digər xəbərlər