Bakıda dizel yanacağının istehsalı artıb

19:26 17.02.2019
Yazını böyüt
Yazını kiçilt

Keçən il paytaxtda dizel yanacağının istehsalı çoxalıb.

Bakı Şəhər Statistika İdarəsinin yaydığı hesabata istinadən xəbər verir ki, 2018-ci ildə neft məhsullarının istehsalı sahəsində istehsalın ümumi dəyəri 3 milyard 99,5 milyon manat olmaqla əvvəlki illə müqayisədə sabit qiymətlərlə 3 faiz artıb.

Neft məhsullarından yanacaq mazutunun istehsalı 60 faiz, avtomobil benzininin istehsalı 2,4 faiz azalıb.

Ağ neftin istehsalı 4,9 faiz, neft-kimya sənayesində istifadə üçün benzinin istehsalı 8,7 faiz, dizel yanacağı istehsalı 3,2 faiz, sürtkü yağlarının istehsalı 4,4 dəfə, neft bitumunun istehsalı 22 faiz, neft koksunun istehsalı isə 7,6 faiz çoxalıb.

Oxunma sayı
İqtisadiyyat rubrikasından digər xəbərlər