Ağcabədidə mina tapılıb

15:15 20.10.2011
Yazını böyüt
Yazını kiçilt
ANAMA-ın əməkdaşları Ağcabədi rayonu ərazisində iki ədəd partlamamış mərmi tapıblar.
ANAMA-dan “Həftə-içi“nə verilən məlumata görə, əməliyyatlar zamanı əkin sahəsindən 1 ədəd PM 57 tank əleyhinə mina, 1 ədəd top mərmisi aşkar edilib. Partlamamış hərbi sursatlar yerindəcə zərərsizləşdirilib. Minanın partlayışı zamanı bütün təhlükəsizlik qaydalarına əməl edilərək ərazidə olan insanlar oradan uzaqlaşdırılıb.
Qeyd edək ki, həmin ərazidə Qarabağ müharibəsi dövründə hərbi əməliyyatlar həyata keçirilib. Minaların Ermənistan ordusu tərəfindən yerləşdirildiyini bildirən ANAMA-nın əməliyyat qrupu həmin ərazidə əməliyyat axtarış tədbirlərini davam etdirəcəklərini də söyləyib.



Pərvin İsmayılova
Oxunma sayı 123