Dünya çempionatında böyük uğura imza atan cüdoçularımız Vətənə dönüb - FOTO

17:14 03.09.2019 Müəllif:Hafta.az
Yazını böyüt
Yazını kiçilt

Yaponiyanın paytaxtı Tokioda keçirilən cüdo üzrə dünya çempionatında çıxış edən Azərbaycan yığma komandası bu gün Vətənə dönüb.

Hafta.az xəbər verir ki, milli komandanın üzvlərini Heydər Əliyev Beynəlxalq Aeroportunda Azərbaycan Cüdo Federasiyasının rəsmiləri, idman ictimaiyyətinin nümayəndələri, jurnalistlər, çoxsaylı azarkeşlər, idmançıların doğmaları və yaxınları gül-çiçək dəstələri ilə qarşılayıblar.

Xatırladaq ki, dünya çempionatında Rüstəm Orucov gümüş, Hidayət Heydərov (hər ikisi 73 kq) isə bürünc medal qazanıb. Digər cüdoçularımız Elmar Qasımov (100 kq) 5-ci, Məmmədəli Mehdiyev (90 kq) və İrina Kindzerska (+78 kq) isə 7-ci pillədə qərarlaşıblar.

 

Qeyd edək ki, Azərbaycan millisi dünya çempionatının sonuncu günündə təşkil olunan qarışıq komanda yarışlarında uğurla çıxış edərək 5-ci yeri tutub.