Gənclər və idman naziri velosipedçilərlə görüşüb

12:04 18.07.2019 Müəllif:Hafta.az
Yazını böyüt
Yazını kiçilt

İyulun 21-27-də Bakıda keçiriləcək Yeniyetmələrin Avropa Yay Olimpiya Festivalına (EYOF) hazırlıq prosesi ilə yaxından tanış olmaq üçün idman obyektlərinə baxış keçirən Gənclər və İdman naziri Azad Rəhimov bu gün Veloparkda olub.

Gənclər və İdman Nazirliyindən hafta.az-a verilən məlumata görə, EYOF-un velosiped yarışlarının start və finiş nöqtələrinin yerləşdiyi bu idman qurğusunda görülən işlərlə bağlı ətraflı məlumat aldıqdan sonra nazir mötəbər yarışda iştirak edəcək velosipedçilərimizlə görüşüb, onlara uğurlar arzulayıb.

EYOF proqramına əsasən, iyulun 23-də fərdi, 25-də isə qrup ötüşməsi üzrə qaliblərin adına aydınlıq gələcək. Azərbaycan bu yarışda Əbdürəhmanova, Gülşən İsmayılova, Məleykə İsgəndərova, Nikita Sıtov, Mustafa Muxtarlı və Nofəl Nuriyevlə təmsil olunacaq.