Naxçıvan Muxtar Respublikası
+8-13°
0- 5°
Qazax, Gəncə, Goranboy, Tərtər, Ağdam, Füzuli, Cəbrayıl
+9 -14°
0-5°
Mərkəzi-Aran
+10-15°
+0-5°
Masallı, Yardımlı, Lerik, Lənkəran, Astara
+ 10 -14°
+4-6°
Bakıda və Abşeron yarımadasında
+8 - 13°
+3 - 5°
“Azərbaycan mənim sevimli ölkəmdir” – Hüsnan Bəy Fənani
Tarix: 12.09.2017 | Saat: 10:15:00
Bölmə:Siyasət | çapa göndər

Dillər Universitetində (ADU) “İndoneziya və Azərbaycanda multikulturalizm: müqayisəli araşdırma” mövzusunda seminar keçirilib. 

Hafta.az-ın məlumatına görə, ADU və İndoneziyanın Azərbaycandakı səfirliyinin birgə təşkilatçılığı ilə keçirilən seminarda çıxış edən Dillər Universitetinin rektoru Kamal Abdulla bu yaxınlarda İndoneziyanın milli bayramının Azərbaycanda yüksək səviyyədə qeyd edildiyini bildirib və iştirakçılar adından qonaqlara təbriklərini çatdırıb. Akademik ADU-da İndoneziya Araşdırmalar Mərkəzinin fəaliyyət göstərdiyini vurğulayaraq bu mərkəzin fəaliyyəti nəticəsində ölkəmizdə indoneziyaşünas mütəxəssislərin yarandığını diqqətə çatdırıb. K.Abdulla səfir Hüsnan Bəy Fənaninin dəstəyi ilə Cakartadakı İndoneziya Universitetində Azərbaycan dili və mədəniyyəti mərkəzinin açılması istiqamətində konkret addımların atıldığını diqqətə çatdırıb, yaxın vaxtlarda orada tələbələrin Azərbaycan himnini səsələndirəcəklərinə ümid etdiyini bildirib.


Rektorun sözlərinə görə, İndoneziya ilə Azərbaycanı bir çox cəhətlər birləşdirir ki, bunlar arasında multikulturalizmi xüsusilə qeyd etmək lazımdır. K.Abdulla bildirib ki, Prezident İlham Əliyev multikulturalizmi Azərbaycanın dövlət siyasəti elan edib:

“Multikulturalizm Azərbaycan xalqının qədim tarixindən bu gününə qədər onun ən böyük ziyalılarının yaradıcılığından qırmızı xətlə keçən son dərəcə insansevər və dünyəvi dəyərlərə açıq olan mənəvi bir xəzinədir. Ulu Öndər Heydər Əliyevin siyasi əsaslarını qoyduğu multikulturalizm xətti bu gün prezident İlham Əliyev tərəfindən dövlət siyasəti kimi inkişaf etdirilir və universitetimiz bu inkişafa öz töhfəsini verir. Universitetimizin müəllim-tələbə heyəti, potensialı bizə imkan verəcək ki, Azərbaycanın multikulturalizm ideyalarını dünyanın bir çox ökələrinə aparaq və o cümlədən İndoneziyada son dərəcə davamlı, etibarlı dayaq nöqtəsi yaradaq. Bu gün ADU-da Multikulturalizm elmi-tədqiqat laboratoriyası yaradılıb, ölkəmizdə Bakı Beynəlxalq Multikulturalizm Mərkəzi fəaliyyət göstərir. Eyni zamanda dünyanın 15 universitetində, həmçinin İndoneziyada “Azərbaycan multikulturalizmi” fənni uğurla tədris edilir”.


Daha sonra çıxış edən səfir Hüsnan Bəy Fənani bu seminarın Azərbaycanda keçirilən II İndoneziya mədəniyyət festivalının tərkib hissəsi olduğunu vurğulayıb. İndoneziyanı dünyanın ən böyük multikultural ölkəsi kimi dəyərləndirən səfir bu dövlətdə yaşayan 270 milyon insanın 1300-dən çox etnik qrupa məxsus olduğunu, lakin onları dil və dinin birləşdirdiyini sözlərinə əlavə edib. Səfir Azərbaycanı özünün ikinci vətəni adlandırıb:

“Azərbaycan mənim sevimli ölkəmdir”.


Seminarda Banqdunq Dövlət İslam Universitetinin rektoru, professor M.Mahdmud M.Si “İndoneziya və Azərbaycan multikulturalizmi qlobal model kimi”, Bakı Beynəlxalq Multikulturalizm Mərkəzinin icraçı direktoru əvəzi Rəvan Həsənov “Azərbaycan multikulturalizminin siyasi-hüquqi əsasları”, Cokyakarta Sinan Kalicaqa Dövlət İslam Universitetinin əməkdaşı Dr. Munavar Ahmad “Azərbaycan və İndoneziyada multikulturalizmin möhkəmlənməsində ictimai kapitalın rolu”, Azərbaycan Dillər Universitetinin Ümumi dilçilik kafedrasının professoru Həbib Zərbəliyev “Azərbaycan və İndoneziyada multikulturalizm: kontekst və çağırışlar”, Beynəlxalq Multikulturalizm Mərkəzinin şöbə müdiri, fəlsəfə doktoru Rəşad İlyasov isə “Azərbaycan multikulturalizminin ədəbi-bədii və fəlsəfi qaynaqları” mövzularında çıxış ediblər.


... dəfə oxunub.

Bölməyə aid digər xəbərlər
Xəbərə şərh yaz
20.11.2017
19.11.2017
18.11.2017
“Evlənəndə məni ölümdən qurtaran yəhudi həkimdən xeyir-dua aldım” – Zəlimxan Məmmədli
“Son gecəsində səhərədək atamın yanında qaldım” – Mərhum prezidentin qızı
“Nə özümü nə də başqa birini bədbəxt etmək istəmirəm” – MİNTAC ELSEVƏR
"Həftə içi" qəzetinin əməkdaşı yol qəzasında həlak oldu
Nizami rayonunda yaşıllığı məhv edib obyekt tikirlər – FOTO-VİDEO
“Zəngilanla bağlı səhifəni oranı görməyən gənclər də maraqla izləyir” – Təranə Şükürlü
Bir nömrənin izi ilə - İcra Hakimiyyətindən gözəllik salonuna…
“Avstriya və Macarıstanda “Soros”un bağlanmasının iki səbəbi var” – Elnur Soltanov
Sevginin zaman üzərində qələbəsi - John From
Sərdar Cəlaloğlu yeni elm sahəsi yaratdı – EKSKLÜZİV