Naxçıvan Muxtar Respublikası
+8-13°
0- 5°
Qazax, Gəncə, Goranboy, Tərtər, Ağdam, Füzuli, Cəbrayıl
+9 -14°
0-5°
Mərkəzi-Aran
+10-15°
+0-5°
Masallı, Yardımlı, Lerik, Lənkəran, Astara
+ 10 -14°
+4-6°
Bakıda və Abşeron yarımadasında
+8 - 13°
+3 - 5°
Apteklər nə vaxt və niyə yoxlanılır?
Tarix: 14.12.2017 | Saat: 18:30:00
Bölmə:Sosial | çapa göndər

Xəbər verildiyi kimi, Səhiyyə Nazirliyinin Analitik Ekspertiza Mərkəzinə edilən müraciətə əsasən Türkiyənin “Universe Pharma İlac” şirkətinin istehsalı olduğu göstərilən “OKSİAM-B” adlı göz damcısı dərman formasında olan məhsulun saxta olub-olmaması Analitik Ekspertiza Mərkəzinin əməkdaşları tərəfindən araşdırılıb.

Araşdırmalar zamanı qeyd edilən məhsulun saxta olduğu müəyyən edilib. Belə ki, Türkiyənin “Universe Pharma İlac” şirkətinin məhsulun qablaşması üzərində göstərilən ünvanda heç bir istehsalat sahəsi mövcud deyil və məhsul Türkiyə Səhiyyə Nazirliyi Dərman və Tibbi cihaz qurumu (TİTCK) tərəfindən dövlət qeydiyyatına alınmayıb: "Əlavə olaraq qeyd edirik ki, Türkiyənin “Universe Pharma İlac” şirkətinin istehsalı olan “OKSİAM-B” adlı məhsul dərman vasitəsi kimi Səhiyyə Nazirliyi tərəfindən qeydiyyata alınmayıb. Həmçinin “Dihac MMC” tərəfindən həmin dərman vasitəsinin ölkəyə idxal edilməsinə razılıq verilməsi barədə Analitik Ekspertiza Mərkəzinə müraciət daxil olmayıb.
“Dərman vasitələri haqqında” Azərbaycan Respublikasının 2006-cı il 22 dekabr tarixli Qanununun 6.1-ci maddəsinə əsasən qanunla nəzərdə tutulmuş hallar istisna olmaqla, dərman vasitələrinin Azərbaycan Respublikasına idxalına, Azərbaycan ərazisində istehsalına, satışına və istifadəsinə yalnız Azərbaycan Respublikası Səhiyyə Nazirliyində dövlət qeydiyyatına alındıqdan sonra yol verilir".
Məlumatda qeyd edilir ki, Analitik Ekspertiza Mərkəzinin dərman vasitələrinin keyfiyyətinin yoxlanılması laboratoriyasında “OKSİAM-B” adlı göz damcısı dərman formasında olan məhsulun nümunələrinin fiziki-kimyəvi və mikrobioloji ekspertizası aparılıb.
Aparılan ekspertiza nəticəsində nümunənin tərkibindəki inqrediyentlərin miqdarının qeyd olunan göstəricilərdən aşağı olması, sitikolin təsiredici maddəsinin ümumiyyətlə olmaması, “pH” göstəricisinin qələvi mühitə yaxın olması, sıxlığının aşağı olması və nümunənin qeyri-steril olması müəyyən edilib. Oftalmoloji istifadə üçün nəzərdə tutulan dərman vasitələrinin qeyri-steril olması yolverilməzdir. Nəticə etibarilə, nümunə keyfiyyətsiz, qeyri-effektiv, yararsız və insan sağlamlığı üçün təhlükəli hesab edilir: "Bütün bunları nəzərə alaraq, əhalinin təhlükəsiz dərman vasitələri ilə təmin olunması məqsədi ilə qeyd edilən saxta, mənşəyi məlum olmayan məhsulun idxalı, satışı və oftalmoloq həkimlər tərəfindən istifadəsi qadağan edilib. Topdan və pərakəndə əczaçılıq müəssisələrinə məhsulun yığışdırılması barədə xəbərdarlıq edilib”.
"Oksiam-B" preparatı ilə bağlı növbəti açıqlama isə Dövlət Gömrük Komitəsindən gəlib. Dövlət Gömrük Komitəsinin Mətbuat Xidmətindən ofanf/fp-f daxil olan məlumatda dərman preparatının Türkiyədə "Univerce Pharma İlaç San. ve Tic. Ltd Şti." şirkəti tərəfindən istehsal edildiyi və "Dihac" MMC tərəfindən idxal olunduğu bildirilir.
Yayılan məlumatla əlaqədar DGK-nin müvafiq qurumları tərəfindən aparılan araşdırma zamanı məlum olub ki, xarici iqtisadi fəaliyyət iştirakçısı olan "Dihac" MMC tərəfindən Azərbaycan ərazisinə idxal olunan, Səhiyyə Nazirliyinin müvafiq sertifikatları ilə təmin edilən dərmanların siyahısında "Oksiam-B" adlı dərman preparatı yoxdur: "Bu dərman preparatı ölkə ərazisinə "Norma Med" MMC şirkəti tərəfindən idxal edilib və Səhiyyə Nazirliyinin müvafiq sertifikatı ilə təmin olunub. Aparılan araşdırmalar zamanı o da məlum olub ki, "Oksiam-B" adlı dərman preparatının "Dihac" MMC tərəfindən idxal edilməsi iddiasına etiraz olaraq şirkət rəhbərliyi məsələyə aydınlıq gətirilməsi üçün rəsmi qaydada aidiyyatı orqanlara müraciət edəcək".
Maraqlıdır, apteklərdə yoxlamalar hansı hallarda və hansı qaydalara əsasən aparılır?
Sualla Səhiyyə Nazirliyinin Analitik Ekspertiza Mərkəzinə müraciət etdik. Mərkəzdən hafta.az-a bildirdilər ki, apteklərdə yoxlama o halda aparılır ki, onlara hansısa müraciət və ya şikayət daxil olsun: “Bu ilin ötən dövrü ərzində yoxlama aparılmasına səbəb olan şikayətlər daxil olmayıb”.
Apteklərdə reydlər aparılmamasına səbəb kimi yoxlamaların dayandırılması göstərilir: “Reydlər dayandırılıb və yoxlamaya səbəb olacaq şikayətlər də daxil olmayıb”.
Mərkəzdən qeyd edilib ki, sonuncunu nəzərə almasaq, bu il dərmanların ölkəyə idxalı zamanı keyfiyyətlə əlaqəli problemlər qeydə alınmayib. İdxal zamanı əsasən texniki səbəblərlə əlaqədar müəyyən problemlər olub ki, bunlar da içlik vərəqəsi və ya qablaşma ilə bağlı olub.
Paytaxtın bir neçə aptekində apardığımız sorğu zamanı isə mütəmadi olaraq yoxlamalar aparıldığını dedilər.
“Fatimə”, “Qlükoza” və “Zeytun” apteklərindən Səhiyyə Nazirliyi və aidiyyatı qurumların reydlər keçirdiyini bildirdilər. Yoxlamaların rüblük, yarımillik və illik olduğunu, həmçinin şikayətlər əsasında müvafiq vaxtda həyata keçirildiyini, daha çox dərmanların keyfiyyəti, qiyməti, saxlanma şəraiti və saxlanma tarixinə diqqət yönəldildiyini dedilər.


... dəfə oxunub.

Bölməyə aid digər xəbərlər
Xəbərə şərh yaz
19.01.2018
18.01.2018
17.01.2018