Naxçıvan Muxtar Respublikası
+8-13°
0- 5°
Qazax, Gəncə, Goranboy, Tərtər, Ağdam, Füzuli, Cəbrayıl
+9 -14°
0-5°
Mərkəzi-Aran
+10-15°
+0-5°
Masallı, Yardımlı, Lerik, Lənkəran, Astara
+ 10 -14°
+4-6°
Bakıda və Abşeron yarımadasında
+8 - 13°
+3 - 5°
Aleksandr Nesterova ADU-nun dəvətli professoru adı verilib
Tarix: 18.12.2017 | Saat: 12:39:00
Bölmə:Sosial | çapa göndər

Rusiyanın Ural Federal Universitetinin professoru, Xarici regionşünaslıq kafedrasının müdiri Aleksandr Nesterova Azərbaycan Dillər Universitetinin (ADU) dəvətli professoru adı verilib. Hafta.az-ın məlumatına görə, bu münasibətlə keçirilən iclasda çıxış edən ADU-nun rektoru, AMEA-nın həqiqi üzvü, əməkdar elm xadimi Kamal Abdulla A.Nesterovun fəaliyyəti barədə ətraflı məlumat verib. O bildirib ki, A.Nesterov müxtəlif ölkələrin universitetlərinin yaxınlaşması üçün mühüm işlər görür. Bu da öz növbəsində gənclərin bir-birinə daha da yaxınlaşmasına xidmət edir.

K.Abdulla A.Nesterovun Azərbaycanla bağlı gördüyü işləri xüsusi vurğulayıb: “Mən sizə bizim missiyamızı həyata keçirdiyiniz üçün dərin minnətdarlığımı bildirirəm. Bizim missiyamız dünyaya, o cümlədən qonşularımıza Azərbaycanı, onun tarixini, mədəniyyətini, dil və ədəbiyyatını tanıtmaqdan ibarətdir”. K.Abdullanın sözlərinə görə, A.Nesterovla belə razılığa gəlinib ki, onun rəhbərlik etdiyi Azərbaycan Dili və Mədəniyyəti Mərkəzinin fəaliyyəti daha da genişləndirilsin.

K.Abdulla A.Nesterovun bir neçə dəfə ADU-da olduğunu deyib: “Siz burada mühazirələr oxuyursunuz. Burada müəllimlər və tələbələr sizə sevgiylə yanaşır”.

Daha sonra rektor K.Abdulla “ADU-nun dəvətli professoru” vəsiqəsini rusiyalı alimə təqdim edib. Buna görə ADU rəhbərliyinə dərin təşəkkürünü çatdıran qonaq Azərbaycanı çox sevdiyini bildirib. A.Nesterov Rusiyada Azərbaycanşünaslığın inkişaf etdiyini və artıq elmi istiqamətə çevrildiyini deyib. O, Azərbaycanşünaslıq istiqamətində fəaliyyətinin bundan sonra daha da genişlənəcəyinə əminliyini ifadə edib.

Digər çıxış edənlər də A.Nesterovun fəaliyyətini yüksək qiymətləndirib, onun mühazirələrinin əhəmiyyətindən söz açıblar.



Bölməyə aid digər xəbərlər
Xəbərə şərh yaz
20.07.2018
19.07.2018