Naxçıvan Muxtar Respublikası
+8-13°
0- 5°
Qazax, Gəncə, Goranboy, Tərtər, Ağdam, Füzuli, Cəbrayıl
+9 -14°
0-5°
Mərkəzi-Aran
+10-15°
+0-5°
Masallı, Yardımlı, Lerik, Lənkəran, Astara
+ 10 -14°
+4-6°
Bakıda və Abşeron yarımadasında
+8 - 13°
+3 - 5°
“Bələdiyyələr sahibkarların maraqlarına toxunurlar”- Qüdrət Həsənquliyev
Tarix: 13.02.2018 | Saat: 15:35:00
Bölmə:Siyasət | çapa göndər

“Sahibkarlara kömək etmək əvəzinə, əslində bizim bələdiyyələr yerli icra hakimiyyəti orqanları ilə birlikdə sahibkarların maraqlarına toxunurlar”.

“Həftə içi” qəzetinin parlamaent müxbiri xəbər verir ki, bunu Milli Məclisin bugünkü iclasında deputat Qüdrət Həsənquliyev söyləyib.


Ədliyyə Nazirliyinin Bələdiyyələrlə İş Mərkəzinin bələdiyyələrin fəaliyyəti ilə bağlı illik hesabat məruzəsinin müzakirələri zamanı etdiyi çıxışında MM üzvü bələdiyyələrin və yerli icra hakimiyyəti orqanlarının sahibkarların fəaliyyətinə əngəl yaratmasından danışıb:


“Cənab prezident kiçik və orta sahibkarlığın inkişafı ilə bağlı bir sıra mühüm qərarlar verib. Tutaq ki, sahibkar şəhərin kənarında antisanitar vəziyyətdə olan torpağı götürüb oranı abadlaşdırmaq və hansısa tikinti işlərini həyata keçirmək istəyir. Bu zaman bələdiyyə sədri deyir ki, bizdə torpağın kvadratı 1 manat 23 qəpikdir. Sahibkar bu şərtə uyğun olaraq sənədləri hazırlayanda bələdiyyə rəhbərliyi müvafiq icra hakimiyyəti orqanı ilə cinayətkar əlaqəyə girir və dəfələrlə artıq qiymətə torpağı təklif edir. Yaxud şəhər icra hakimiyyətinin nümayəndələri sahibkarlardan tikinti materialları götürürlər ki, ayın sonunda pulunuzu verəcəyik, amma aylar keçir, həmin vəsait ödənmir...”.


Q.Həsənquliyev bildirib ki, bir çox hallarda yerli icra hakimiyyəti orqanları məhz bələdiyyələrin əli ilə qanunsuzluqlara yol verir, sahibkarlıq fəaliyyəti ilə məşğul olan şəxslərin obyektlərini qanunsuz olaraq sökdürür.


Deputat onu da vurğulayıb ki, bələdiyyələr yalnız camaatdan vergi yığmaqla ciddi irəliləyişlərə nail ola bilməzlər. “Ucqar kəndlərə bir az yağış yağan kimi yollar palçığın içində olur. Ona görə də bələdiyyələr yerli əhali ilə iş aparıb iməciliklər təşkil etməli, abadlıq işləri həyata keçirməlidir”-deyə parlament üzvü təklif edib.



Bölməyə aid digər xəbərlər
Xəbərə şərh yaz
23.05.2018
22.05.2018