Naxçıvan Muxtar Respublikası
+8-13°
0- 5°
Qazax, Gəncə, Goranboy, Tərtər, Ağdam, Füzuli, Cəbrayıl
+9 -14°
0-5°
Mərkəzi-Aran
+10-15°
+0-5°
Masallı, Yardımlı, Lerik, Lənkəran, Astara
+ 10 -14°
+4-6°
Bakıda və Abşeron yarımadasında
+8 - 13°
+3 - 5°
“Müsəlman Şərqində qadınlara seçki hüququ ilk dəfə Cümhuriyyət dövründə verilib” – Əhməd Sami Elaydi
Tarix: 12.03.2018 | Saat: 20:05:00
Bölmə:Gündəm | çapa göndər

“Cümhuriyyət ili” çərçivəsində AMEA-nın Tarix İnstitutu və Misir Mədəniyyət və Təhsil Əlaqələri Mərkəzinin birgə təşkilatçılığı ilə “Azərbaycan Xalq Cümhuriyyəti – 100” mövzusunda elmi konfrans keçirilib.

Mədəniyyət Mərkəzindən Hafta.az-a verilən məlumata görə, konfransı giriş sözü ilə açan Misir Mədəniyyət və Təhsil Əlaqələri Mərkəzinin direktoru Əhməd Sami Elaydi bildirib ki, Azərbaycan Xalq Cümhuriyyəti yalnız Azərbaycanın deyil, türk dünyasının, müsəlman aləminin və bütövlükdə Şərq tarixinin ən parlaq səhifələrindən biridir: “Müsəlman Şərqində qadınlara seçki hüququ ilk olaraq Cümhuriyyət dövründə - 100 il əvvəl verilib. Cümhuriyyət Azərbaycanın ilk müasir universitetini - Bakı Dövlət Universitetini təsis edib”.

Misir Mədəniyyət və Təhsil Əlaqələri Mərkəzində keçirilən tədbirdə Tarix İnstitutunun direktoru, akademik Yaqub Mahmudov qeyd edib ki, Azərbaycan Xalq Cümhuriyyəti dünya tarixinin ən demokratik dövlət qurumlarından biridir: “Xalq Cümhuriyyəti XX əsrin əvvəllərində olduqca mürəkkəb beynəlxalq şəraitdə yaranıb. Cümhuriyyət irqi, milli, dini və sinfi bərabərsizliyi ləğv edərək, bütün vətəndaşların hüquq bərabərliyini təmin edib. Müasir Azərbaycan Respublikası Xalq Cümhuriyyətinin varisidir. Azərbaycan 1991-ci ildə öz müstəqilliyini bərpa edərək, Cümhuriyyətin bayrağını, gerbini və himnini qəbul edib”.

Y.Mahmudov bildirib ki, Tarix İnstitutunda Azərbaycan Xalq Cümhuriyyətinin tarixini araşdıran ayrıca şöbə fəaliyyət göstərir: “Dünyanın müxtəlif ölkələrindən Cümhuriyyət tarixinə dair ilk mənbələr və arxiv sənədləri ölkəmizə gətirilir. Cümhuriyyət tarixinə dair çoxsaylı sanballı əsərlər, o cümlədən ikicildlik ensiklopediya nəşr edilib. Ulu öndər Heydər Əliyevin vəsiyyətinə əməl olunaraq nəşr edilmiş “Azərbaycan Xalq Cümhuriyyəti Ensiklopediyası” Cümhuriyyət tarixinin bütün sahələrini əhatə edən ilk fundamental elmi soraq əsəridir”.

Akademik qeyd edib ki, Tarix İnstitutunun Misir Mədəniyyət və Təhsil Əlaqələri Mərkəzi ilə sıx əməkdaşlığı var: “Mərkəzdə institutun əməkdaşları üçün ərəb dili kursları təşkil olunub. 2017-ci ildə Əhməd Sami Elaydi instituta ərəb dilində 10 min elektron kitab hədiyyə edib”.

Elmi konfransda bildirilib ki, Azərbaycan Prezidentinin təşəbbüsü ilə Azərbaycan Xalq Cümhuriyyətinin şərəfinə “İstiqlal Bəyannaməsi” abidəsi ucaldılıb. Hər il Cümhuriyyətin elan edildiyi 28 may tarixi Azərbaycanda Respublika Günü kimi qeyd olunur.

Konfransda Milli Məclisin deputatı Elman Nəsirov, tarixçi alimlər Cəbi Bəhramov, Kamran İsmayılov, Güntəkin Nəcəfli və başqaları çıxış edərək bildiriblər ki, Azərbaycan Xalq Cümhuriyyəti ölkəmizin dövlətçilik tarixində silinməz iz buraxıb.

Sonda Y.Mahmudov Misir Mədəniyyət və Təhsil Əlaqələri Mərkəzinə ikicildlik “Azərbaycan Xalq Cümhuriyyəti Ensiklopediyası”nı və “İrəvan xanlığı: Rusiya işğalı və ermənilərin Şimali Azərbaycan torpaqlarına köçürülməsi” adlı fundamental tədqiqatın ərəbcə nəşrini hədiyyə edib.

Sonda Misir Mədəniyyət və Təhsil Əlaqələrinin müdiri Əhməd Sami Elaydi Azərbaycan-Misir əlaqələrinin inkişafına verdiyi töhfələrə görə AMEA Tarix İnstitutunun direktoru, akademik Yaqub Mahmudova və Milli Məclisi deputatı Elman Nəsirova Misir Ərəb Respublikası Nazırliyinin mükafatlarını tədqim etdi.

Qeyd edək ki, Misir Mədəniyyət və Təhsil Əlaqələri Mərkəzi Azərbaycanda ilk və yeganə ərəb mədəniyyət mərkəzidir.

 

 



Bölməyə aid digər xəbərlər
Xəbərə şərh yaz
23.09.2018
22.09.2018
21.09.2018