Naxçıvan Muxtar Respublikası
+8-13°
0- 5°
Qazax, Gəncə, Goranboy, Tərtər, Ağdam, Füzuli, Cəbrayıl
+9 -14°
0-5°
Mərkəzi-Aran
+10-15°
+0-5°
Masallı, Yardımlı, Lerik, Lənkəran, Astara
+ 10 -14°
+4-6°
Bakıda və Abşeron yarımadasında
+8 - 13°
+3 - 5°
Nəsimi rayon məktəbliləri Naxçıvan Muxtar Respublikasına səfərə hazırlaşırlar
Tarix: 13.03.2018 | Saat: 19:15:00
Bölmə:Sosial | çapa göndər

Azərbaycan Respublikasının Prezidenti İlham Əliyevin tapşırığına əsasən «Ölkəmizi tanıyaq» devizi ilə yeniyetmələrin respublikamızın müxtəlif rayonları ilə tanışlığı üçün təşkil olunmuş maarifləndirici tur-aksiya çərçivəsində Nəsimi rayonundan olan məktəblilərlə görüş keçirilib.

Əsas məqsədi gənc nəslin Vətənə, tariximizə, mədəniyyətimizə, milli adət-ənənələrimizə hörmət və məhəbbət ruhunda tərbiyə edilməsi olan və əsası ulu öndər Heydər Əliyev tərəfindən qoyulmuş gənclər strategiyasını uğurla davam etdirən Azərbaycan Respublikasının Prezidenti İlham Əliyevin tapşırığına əsasən 2014-cü ilin noyabr ayında Nəsimi rayon orta ümumtəhsil məktəblərinin 9-11-ci siniflərində təhsil alan 80 nəfər məktəbli şagirdin 2 mərhələdə Quba, Qusar və Xaçmaz rayonlarına, 17-20 mart və 24-27 mart 2016-cı il tarixlərdə 28 nəfər məktəblinin Naxçıvan Muxtar Respublikasına, 12-15 noyabr 2016-cı il tarixlərdə isə 40 nəfər məktəblinin Lənkəran - Masallı – Astara rayonlarına , 16-19 mart 2017-ci il tarixlərdə 27 nəfər məktəblinin Naxçıvan Muxtar Respublikasına, 11-14 noyabr 2017-ci il tarixlərdə isə 40 nəfər məktəblinin Lənkəran - Masallı – Astara rayonlarına “Ölkəmizi tanıyaq” devizi altında maarifləndirici tur-aksiyaları təşkil olunub.

İlk əvvəl qrupun təşkili məsələləri həll olunub, rayonun orta məktəblərində təhsil alan, öz təhsili və nümunəviliyi, ictimai həyatda fəallığı ilə fərqlənən şagirdlər seçilib, Rayon İcra Hakimiyyətində yaradılmış Qərargah tərəfindən qrupa rəhbər təyin olunub. Şagirdlər üçün xususi geyimlər və tələb olunan ləvazimatlar alınmış, turun marşrutu, tədbir iştirakçılarının qalacağı otel və s. müəyyən edilib, qrup nəqliyyat vasitəsi ilə təmin olunub. Təsdiq olunmuş proqrama əsasən Nəsimi rayon yeniyetmələri Naxçıvan Muxtar Respublikasının görməli yerlərində olacaq, Heydər Əliyev Mərkəzində, tarixi abidələr, tarix-diyarşünaslıq muzeyləri ilə yaxından tanış olacaqlar. Tur zamanı həmçinin şagirdlərin asudə vaxtlarının səmərəli təşkili də nəzərə alınıb. Aksiya qədim tariximizin, bölgələrdə olan maddi-mədəniyyət abidələrimizin, adət-ənənələrimizin öyrənilməsi baxımından məktəblilərin yaddaşında əvəzsiz iz buraxacaqdır. İştirakçıların bir çoxu ölkəmizin bu bölgəsində ilk dəfə səfər edəcək və onlar evlərinə çox böyük təəssüratlarla qayıdacaqlar.

Tədbirdə çıxış edən Nəsimi rayon İcra Hakimiyyətinin Başçısı Asif Əsgərovməktəblilərə turun məqsədi barədə məlumat verib, ölkə başçısı İlham Əliyevin gənc nəslin tərbiyəsi, onların savadlı, vətənpərvər böyüməsi və fiziki inkişafı istiqamətində gördüyü işlərdən danışıb, bu kimi turların təşkilinin də həmin tədbirlər çərçivəsində olduğunu vurğulayıb. Bildirib ki, doğma Azərbaycanın ayrı-ayrı guşələrinin rayon məktəbliləri tərəfindən daha yaxşı tanınması, o cümlədən onların bölgələrimizin zəngin turizm potensialı, tarixi-mədəni abidələri, muzeyləri ilə tanış olması baxımından maarifləndirici tur aksiyaların əhəmiyyəti çox böyükdür.Qeyd olunmuşdur ki, cari ilin yay aylarında da Nəsimi rayon İcra Hakimiyyəti tərəfindən yeniyetmələr üçün respublikamızın dilbər güşələrində hərbi vətənpərvərlik təmayüllü yay istirahət düşərgələrinin təşkil olunması nəzərdə tutulub.
Tədbirdə çıxış edən- 240 saylı məktəbin direktoru Esmira Məmmədova, valideynlər Zəfər Hüseynov və Maarif Abbasov ölkə başçısı İlham Əliyevə dərin minnətarlıqlarını bildiriblər.
Tədbirdə Nəsimi rayon məktəbliləri və tur aksiya iştirakçıları tərəfindən sözləri şair Zahid Əzizə, musiqisi isə gənc bəstəkar Elvin Muxtara məxsus olan “Ölkəmizi tanıyaq” himni böyük coşqu ilə ifa edildi. Daha sonra tədbir 2 və 3 saylı Uşaq Gənclər İnkişaf Mərkəzlərinin kollektivlərinin rəngarəng milli rəqsləri ilə başa çatıb.

Azad



Bölməyə aid digər xəbərlər
Xəbərə şərh yaz
23.06.2018
22.06.2018
21.06.2018
“Mədəniyyət Günlərinin açılışında müştərək filmin çəkilişinə dair saziş imzalanacaq” - Əsgər Farsi
Pambıq tarlalarındakı zəhərlənmə ilə bağlı vəzifəli şəxslər həbs edildi - RƏSMİ
«26 İyun – BMT-nin Narkotiklərlə Mübarizə günü»nə həsr olunmuş tədbir keçirilib
Sahil Babayev Şirvanda vətəndaşları qəbul edib
Ermənistanla Azərbaycan arasında hərbi balans bizim xeyrimizə əhəmiyyətli dərəcədə dəyişib - Zakir Həsənov
Əcnəbilərin qeydiyyatı ilə bağlı müddət dəyişdirilir
Azərbaycan Ordusunun 100 illik yubileyi münasibətilə fleşmob - VİDEO
MM-in növbədənkənar sessiyada son iclasının gündəliyi müəyyənləşib
Binəqədidə Azərbaycan Ordusunun yaranmasının 100 illiyi qeyd olunub
Neftçalada 62 ədəd çətənə kolu aşkarlanıb