Naxçıvan Muxtar Respublikası
+8-13°
0- 5°
Qazax, Gəncə, Goranboy, Tərtər, Ağdam, Füzuli, Cəbrayıl
+9 -14°
0-5°
Mərkəzi-Aran
+10-15°
+0-5°
Masallı, Yardımlı, Lerik, Lənkəran, Astara
+ 10 -14°
+4-6°
Bakıda və Abşeron yarımadasında
+8 - 13°
+3 - 5°
Salyan dəmiryolu qovşağında kompleks mülki müdafiə təlimi keçirilib - FOTO
Tarix: 09.10.2018 | Saat: 10:14:00
Bölmə:İqtisadiyyat | çapa göndər

Salyan dəmir yolu qovşağının ərazisində “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsi” mövzusunda növbəti kompleks mülki müdafiə təlimi keçirilib.

Təlim Nazirlər Kabinetinin 1998-ci il 25 sentyabr tarixli 193 nömrəli qərarı ilə təsdiq olunmuş “Azərbaycan Respublikasında fövqəladə hadisələrdən müdafiə sahəsində əhalinin hazırlanması Qaydaları”na və “Azərbaycan Dəmir Yolları” QSC-nin 2018-ci il üçün mülki müdafiə tədbirlər planına müvafiq olaraq təşkil edilib.

QSC-dən hafta.az-a verilən məlumata görə, məqsəd fövqəladə hal baş verdikdə xilasetmə və digər təxirəsalınmaz işlərin həyata keçirilməsi zamanı mülki müdafiə qüvvələrinin çevik qaydada hazır vəziyyətə gətirilməsi, hadisə yerinə göndərilməsi, yaranmış vəziyyətin qiymətləndirilməsi, hadisə yerindən məlumatların toplanması üçün şəxsi heyətə praktik vərdişlərin aşılanmasıdır.

Təlim zamanı komandir-rəis heyətinin idarəetmə bacarıqlarının və mülki müdafiə dəstələrinin şəxsi heyətinin peşəkarlıq səviyyəsinin artırılmasına, təhlükəsizlik qaydalarına ciddi riayət olunmasına xüsusi diqqət yetirilib.

“Azərbaycan Dəmir Yolları” Qapalı Səhmdar Cəmiyyətinin Sədri yanında hərəkətin təhlükəsizliyi üzrə baş texniki müfəttişliyinin təşkilatçılığı ilə keçirilən təlimə qovşağın Fövqəladə Hallar Komissiyasının üzvləri, obyekt rəhbərləri və mülki müdafiə qüvvələri cəlb edilib.

Qovşağın mülki müdafiə qüvvələri şərti olaraq, fövqəladə hal baş verən ərazinin mühafizəsi, sahəyə giriş-çıxışın məhdudlaşdırılması, baş verən yanğının söndürülməsi, rabitənin bərpası ilə bağlı tapşırıqları yerinə yetiriblər.

Təlim iştirakçıları kimyəvi zəhərlənmə zonasının lokallaşdırılması, obyektdə kimyəvi kəşfiyyatın təşkili, axtarış xilasetmə, zərərçəkənlərə ilkin tibbi yardımın göstərilməsi, epidemiya və epizootiyaya qarşı mübarizə tədbirlərini, eləcə də insanların təhlükəsiz ərazilərə təxliyəsini həyata keçiriblər.

Salyan qovşağının ərazisində keçirilən kompleks təlim, həyəcan siqnalının verilməsi ilə başlayıb. Rəhbər işçilər qovşaq mülki müdafiə rəhbərinin yanında toplanıblar. Qovşaq rəhbəri, stansiyasının rəisi Səxavət İlyasov məlumat verib ki, şərti olaraq səhər saatlarında baş verən zəlzələ nəticəsində elektrik naqilindən düşən qığılcımdan yanğın baş verib, uçqunlar olub. Dağıntılar altında qalanlar, ölənlər və yanğından zərərçəkənlər, eləcə də xəsarət alanlar var.

Təbii fəlakətin nəticələrinin aradan qaldırılması üçün təlim rəhbərinin verdiyi tapşırıqlar yüksək peşəkarlıqla yerinə yetirilib. Kəşfiyyat manqaları nəticələr barədə mülki müdafiə rəhbərinə məruzə edib, rabitə müvəqqəti bərpa edilib. Yanğından mühafizə qatarı yanğın ocaqlarını söndürüb, xilasetmə manqaları yaralılara ilkin tibbi yardım göstərib və ərazidən kənarlaşdırılıb. Bərpa manqaları bərpa işlərinə başlayıb.

Təlimdən sonra keçirilən müşavirədə Fövqəladə hallar və mülki müdafiə işləri üzrə texniki müfəttiş İsa Xudiyevin iştirakı ilə mülki müdafiə qüvvələrinin hazırlıq vəziyyəti təhlil edilib.



Bölməyə aid digər xəbərlər
Xəbərə şərh yaz
23.05.2019
22.05.2019
Kiyev universitetində alban-udi xristian icmasının rəhbərləri ilə görüş keçirilib
Metro çıxışlarında kəskin qoxulu səyyar köşklərə kimlər nəzarət edir? - FOTOLAR
Əmək məzuniyyətinin verilmə vaxtı dəyişdirilə bilər - Nazirlik
Avropa İttifaqının Biznes Missiyası Lənkərana səfər edib
Prezident İlham Əliyev Çexiya Radek Vondraçekin başçılıq etdiyi nümayəndə heyətini qəbul edib - FOTO
Ötən il Azərbaycanla Çexiyanın ticarət dövriyyəsinin həcmi 57 faiz artıb
Hazırda Azərbaycanda 26 Çexiya şirkəti fəaliyyət göstərir
Banklar tərəfindən artıq restrukturizasiya proseslərinə başlanılıb
Şəmkirçay sutəmizləyici qurğusu yaxın aylarda istismara veriləcək
Fransanın Milli Tibbi Sığorta Fondu ilə reabilitasiya sahəsində əməkdaşlığın inkişafı imkanları nəzərdən keçirilib