Naxçıvan Muxtar Respublikası
+8-13°
0- 5°
Qazax, Gəncə, Goranboy, Tərtər, Ağdam, Füzuli, Cəbrayıl
+9 -14°
0-5°
Mərkəzi-Aran
+10-15°
+0-5°
Masallı, Yardımlı, Lerik, Lənkəran, Astara
+ 10 -14°
+4-6°
Bakıda və Abşeron yarımadasında
+8 - 13°
+3 - 5°
Azərbaycan-Türkiyə münasibətləri xalqlarımızın iradəsindən qaynaqlanır - Novruz Məmmədov
Tarix: 29.10.2018 | Saat: 21:49:00
Bölmə:Siyasət | çapa göndər

Azərbaycan-Türkiyə münasibətləri milli-mənəvi və mədəni dəyərləri ilə bir-birinə bağlı olan xalqlarımızın iradəsindən qaynaqlanır.

Hafta.az-ın məlumatına görə, bunu baş nazir Novruz Məmmədov Türkiyə Cümhuriyyətinin 95-ci ildönümü münasibətilə keçirilən tədbirdə deyib.

N.Məmmədov bildirib ki, hazırda dünyada bir-birinə bu qədər yaxın olan iki dövlət tapmaq çətindir. Baş nazir bildirib ki, müstəqilliyini bərpa etdikdən sonra Azərbaycanı tanıyan ilk dövlət Türkiyə olub.

O bildirib ki, müstəqilliyinin ilk illərindən etibarən Türkiyə Azərbaycanın dövlət quruculuğu yolunda atdığı addımları daim dəstəkləyib, həmişə Azərbaycanın haqq işi ilə bağlı səsini ucaldıb. N.Məmmədov vurğulayıb ki, ölkəmizin ən ağrılı problemi olan Dağlıq Qarabağ münaqişəsinin həllində Türkiyə Azərbaycan xalqının yanında olub və bu, böyük dostluğumuzu, qardaşlığımızı nümayiş etdirib.

Baş nazir qeyd edib ki, bu gün Azərbaycanla Türkiyə arasında bütün sahələrdə əməkdaşlıq ən yüksək səviyyədədir:

“Münasibətlərimizin möhkəmlənməsində dövlət başçılarının şəxsi əlaqələrinin və qarşılıqlı səfərlərinin xüsusi əhəmiyyəti var. Əminəm ki, Azərbaycanla Türkiyə arasında tarixin sınaqlarından çıxmış dostluq və qardaşlıq münasibətləri hər iki ölkənin strateji hədəflərinə çatmasında mühüm rol oynayacaq”.



Bölməyə aid digər xəbərlər
Xəbərə şərh yaz
17.11.2018
16.11.2018
15.11.2018