Naxçıvan Muxtar Respublikası
+8-13°
0- 5°
Qazax, Gəncə, Goranboy, Tərtər, Ağdam, Füzuli, Cəbrayıl
+9 -14°
0-5°
Mərkəzi-Aran
+10-15°
+0-5°
Masallı, Yardımlı, Lerik, Lənkəran, Astara
+ 10 -14°
+4-6°
Bakıda və Abşeron yarımadasında
+8 - 13°
+3 - 5°
Millət vəkili aprel və fevral şəhidlərinin ailəsinə Novruz xonçası ilə getdi - FOTO
Tarix: 25.03.2019 | Saat: 14:22:00
Bölmə:Sosial | çapa göndər

Millət vəkili Sona Əliyeva Novruz bayramı günlərində 2016-cı ilin aprel və 2017-ci ilin fevral şəhidlərinin ailə üzvlərini ziyarət edib. Şəmkirdən olan şəhidlərimizin ailələrinin qapısını bayram sovqatı ilə döyüb.

Hafta.az-ın əməkdaşının verdiyi xəbərə görə, millət vəkili ilk olaraq 2017-ci ilin fevral ayında ön xətdə düşmən snayperinin açdığı atəş nəticəsində şəhid olmuş igid əsgərimiz Xanoğlan Xəlilovun Şeidlər kəndində yaşayan ailə üzvləri ilə görüşüb.

Şəhidin atası İntizam Xəlilov həmişə, eləcə də ən çətin anlarında onların yanında olduğu millət vəkilinə təşəkkür edib. Şəhidin anası Səmayə Xəlilova dövlətimizin və yerli icra orqanlarının hər zaman diqqət və qayğısı altında olduqlarını bildirib.

Sona Əliyeva öz növbəsində bildirib ki, şəhidimizin boya-başa çatdığı küçə indi Xanoğlan Xəlilovun adını daşıyır: "Xanoğlan bizim fəxrimizdir. Bütün şəmkirlilər, eləcə də Azərbaycan xalqı şəhidimizlə fəxr edir. İndi sizin oğlunuz təkcə sizin deyil, Azərbaycan xalqının övladıdır".

Sonra millət vəkili Xəlilovlar ailəsinin təklif və istəklərini dinləyib. Onların qaldırdığı məsələlərin əksəriyyəti elə yerindəcə həllini tapıb.

Daha sonra S.Əliyeva 2016-cı ilin aprelində şəhid olmuş polkovnik Vüqar Yusifovun ailə üzvləri ilə görüşüb. Rayonun Şiştəpə kəndində yaşayan şəhidin azyaşlı övladlarını, valideynlərini Novruz bayramı münasibəti ilə təbrik edib. Şəhidin atası Nürəddin Xəlilov daim onları diqqətdə saxladığına görə millət vəkilinə ailəsi adından təşəkkürünü çatdırıb. Şəhidin anası Validə Yusifova millət vəkili Sona Əliyevanın hər zaman onların qapısını döyməsini, arzu və istəklərini dinləməsini, bir sıra məsələlərin yerindəcə həllini tapmasını şəhid ailəsi üçün böyük təsəlli olduğunu vurğulayıb.

Xanım deputat daha sonra Düyərli kəndində yaşayan şəhid ailəsinin görüşünə yollanıb. Aprel şəhidlərimizdən olan Altun Dəmirlinin anası Gülşən İsgəndərova ilə görüşüb. Şəhid anasına bayram sovqatını - Novruz xonçasını təqdim edib. Gülşən İsgəndərova Sona xanımı bu ailənin tez-tez ziyarətçisi olduğu əziz qonağı kimi təqdim edib.

Axşam saatlarında millət vəkili Şəmkirin Kür qəsəbəsində məskunlaşmış şəhid Vüsal Əliyevin ailə üzvlərini ziyarətə yollanıb. Həyat yoldaşı Qarabağ döyüşlərində şəhid olan şəhid Vüsal Əliyevin anası Şahnaz Əliyeva millət vəkilinin bayram təbriklərini qəbul edib. Onun boynuna sarılıb. Sona Əliyeva şəhid anası ilə söhbətləşib. Problemlərinin olub - olmadığını soruşub. Şəhid ailəsinin qaldırdığı bir sıra məsələlər elə yerindəcə həllini tapıb. Bir sıra məsələlər millət vəkilinin nəzarətinə götürülüb. Millət vəkili bildirib ki, ildə bir neçə dəfə aprel və fevral şəhidlərinin ailələrini ziyarət etdiyini, dövlətin və Ali Baş Komandanın diqqətinin hər zaman şəhid ailələrinin üzərində olduğunu diqqətə çatdırıb.



Bölməyə aid digər xəbərlər
Xəbərə şərh yaz
23.04.2019
22.04.2019