Naxçıvan Muxtar Respublikası
+8-13°
0- 5°
Qazax, Gəncə, Goranboy, Tərtər, Ağdam, Füzuli, Cəbrayıl
+9 -14°
0-5°
Mərkəzi-Aran
+10-15°
+0-5°
Masallı, Yardımlı, Lerik, Lənkəran, Astara
+ 10 -14°
+4-6°
Bakıda və Abşeron yarımadasında
+8 - 13°
+3 - 5°
Azərbaycan Qoşulmama Hərəkatının sədri kimi dünyada sülh və təhlükəsizliyin bərqərar olmasına töhfə verəcək - Hikmət Hacıyev
Tarix: 13.04.2019 | Saat: 10:14:00
Bölmə:Siyasət | çapa göndər

Çinin təklif etdiyi "Bir kəmər, bir yol" təşəbbüsü inklüziv qarşılıqlı fəaliyyət üçün çox böyük imkanlar yaradır.

Hafta.az-ın məlumatına görə, bunu Azərbaycan Prezidenti Administrasiyasının (PA) Xarici siyasət məsələləri şöbəsinin müdiri Hikmət Hacıyev "Sinhua" agentliyinə müsahibəsində deyib.

H.Hacıyev qeyd edib ki, bu təşəbbüs qarşılıqlı faydalı münasibətlərə və tərəfdaşlığa əsaslanan hərtərəfli əməkdaşlıq xarakteri daşıyır: "Biz "Bir kəmər, bir yol" təşəbbüsü və Azərbaycanın inkişafının aktual gündəliyi arasında böyük uyğunluq görürük. Azərbaycan "Bir kəmər, bir yol" çərçivəsində layihələrdə iştirak etməyə həmişə hazırdır. Bu baxımdan biz iki ölkə arasında iqtisadiyyat, ticarət, investisiya, maliyyə və bir sıra digər sahələrdə gələcək əməkdaşlığı səbirsizliklə gözləyirik".

"Bir kəmər, bir yol" çərçivəsində beynəlxalq əməkdaşlıq üzrə yüksək səviyyəli II Forum aprelin sonunda Pekində keçiriləcək. PA rəsmisi bu Forumun fikir mübadiləsi və müxtəlif ölkələrin fəaliyyətinin əlaqələndirilməsi üçün meydan olacağına ümidvar olduğunu bildirib: "Forum "Bir kəmər, bir yol" təşəbbüsü çərçivəsində praqmatik əməkdaşlığın inkişafı istiqamətində praktiki fəaliyyətin gələcək müzakirələri üçün əla məkan olacaq".

H.Hacıyev Azərbaycan-Çin münasibətlərinə də toxunub. O bildirib ki, Azərbaycan Çin Xalq Respublikası ilə humanitar və energetika sahələrində əməkdaşlıq qurur.

Şöbə müdiri ikitərəfli iqtisadi və ticari münasibətləri bundan sonra da işgüzar və şəxsi təmaslar, hökumətlərarası əməkdaşlıq mexanizmləri və müxtəlif komissiyalar vasitəsilə təşviq etməyi təklif edib: "Azərbaycan və Çinin iqtisadiyyat, ticarət, kənd təsərrüfatı, energetika, neft-kimya, turizm və s. sahələrdə əməkdaşlığı özündə bir çox imkanlar daşıyır".

H.Hacıyev əlavə edib ki, Azərbaycan Çin investisiyalarının artmasını alqışlayır: "Hər iki ölkə öz xarici siyasəti çərçivəsində beynəlxalq səviyyədə qarşılıqlı hörmətə əsaslanan münasibət qurmağa çalışır. Həmçinin tərəflər Şanxay Əməkdaşlıq Təşkilatı daxil olmaqla, çoxtərəfli regional və beynəlxalq qurumlar çərçivəsində əməkdaşlıq edirlər".

PA rəsmisi xatırladıb ki, Azərbaycan 2022-ci ilədək Qoşulmama Hərəkatına sədrlik edəcək:

"Bu institutun qlobal səviyyədə etimadın, sülh və təhlükəsizliyin möhkəmləndirilməsində potensialı var. Sədrliyimiz dövründə Hərəkatın daha da möhkəmlənməsinə kömək edəcəyik, həmçinin planetimizdə sülh və təhlükəsizliyin bərqərar olmasına töhfə verəcəyik".



Bölməyə aid digər xəbərlər
Xəbərə şərh yaz
26.05.2019
25.05.2019
Azyaşlılar arasında zərərli vərdiçlər artır - Təhlükə
Prezident BMT-nin Sivilizasiyalar Alyansı üzrə Ali nümayəndəsini qəbul edib
“Bölgələrdən Bölgələrə” Yaradıcılıq Festivalı Xaçmazda
Azərbaycan gimnastı bədii gimnastika üzrə Dünya Kubokunda finala çıxıb
Azərbaycanda qızıl və gümüş bahalaşıb
Mehriban Əliyeva məcburi köçkünlərlə görüşdü - FOTO
İlham Əliyev "Bir kəmər, bir yol" Beynəlxalq Forumu çərçivəsində dövlət və hökumət başçılarının şərəfinə verilən ziyafətdə iştirak edib - FOTO
Yasamalda qadınlara qarşı soyğunçuluq edən şəxs saxlanılıb
Qala divarının heç bir daşına da ziyan vurmaq olmaz və heç zaman vurulmayacaq - Birinci vitse-prezident
Feyk məlumatlarla ictimai rəyi çaşdırmağa çalışanların cəhdləri iflasa uğradıqdan sonra restoranları, kafeləri hədəf götürməyə çalışırlar - Əli Həsənov