Naxçıvan Muxtar Respublikası
+8-13°
0- 5°
Qazax, Gəncə, Goranboy, Tərtər, Ağdam, Füzuli, Cəbrayıl
+9 -14°
0-5°
Mərkəzi-Aran
+10-15°
+0-5°
Masallı, Yardımlı, Lerik, Lənkəran, Astara
+ 10 -14°
+4-6°
Bakıda və Abşeron yarımadasında
+8 - 13°
+3 - 5°
Xalq artisti Tofiq İsmayılovun 80 illiyi qeyd olunacaq
Tarix: 20.04.2019 | Saat: 21:07:00
Bölmə:Mədəniyyət | çapa göndər

Aprelin 21-də Beynəlxalq Muğam Mərkəzində milli kino sənətinin inkişafında xidmətləri olan tanınmış rejissor, Xalq artisti, professor Tofiq İsmayılovun anadan olmasının 80 illiyi münasibətilə yubiley gecəsi keçiriləcək.

Hafta.az Mədəniyyət Nazirliyinə istinadən bildirir ki, tədbirdə rejissorun zəngin yaradıcılığımdan, milli kino sənətində xidmətlərindən söz açılacaq, çəkdiyi filmlərdən parçalar nümayiş olunacaq.

Tofiq İsmayılov 1939-cu il aprelin 6-da Bakıda anadan olub. “Mən mahnı qoşuram”, “Bizim küçənin oğlanları”, “Gilas ağacı”, “Oxuyur Müslüm Maqomayev”, “Əzablı yollar”, “Musiqi müəllimi”, “Vulkana doğru” və s. filmlərə quruluş verib. İstedadlı rejissorun filmlərinin hər birinin maraqlı süjeti, mövzulara özünəməxsus yanaşma tərzi vardı.

Rejissor Azərbaycan kinosuna dəyərli ekran əsərləri bəxş etməklə yanaşı, pedaqoji fəaliyyəti ilə də bu sahənin inkişafına, kino xadimlərinin yetişdirilməsinə töhfələr verib. 1971-ci ildən indiki Mədəniyyət və İncəsənət Universitetinin Rejissorluq kafedrasında çalışıb, kafedraya rəhbərlik edib. 1994-cü ildən Türkiyənin Memar Sinan adına Gözəl Sənətlər Universitetinin professoru olub. 2007-ci ildən Azərbaycan Dövlət Mədəniyyət və İncəsənət Universitetində dərs deyib. O, “Türk xalqlarının kino tarixi” üçcildlik tədqiqat əsərinin, onlarla elmi-publisistik məqalənin müəllifidir. Ədəbi yaradıcılıqla da məşğul olan kino xadimi uşaqlar üçün pyeslər, hekayələr yazıb. Əsərləri xarici dillərdə də nəşr olunub.

Ömrünü sənətə həsr edən kinorejissor 2016-cı ilin 25 martında vəfat edib.



Bölməyə aid digər xəbərlər
Xəbərə şərh yaz
20.05.2019
19.05.2019