Naxçıvan Muxtar Respublikası
+8-13°
0- 5°
Qazax, Gəncə, Goranboy, Tərtər, Ağdam, Füzuli, Cəbrayıl
+9 -14°
0-5°
Mərkəzi-Aran
+10-15°
+0-5°
Masallı, Yardımlı, Lerik, Lənkəran, Astara
+ 10 -14°
+4-6°
Bakıda və Abşeron yarımadasında
+8 - 13°
+3 - 5°
Suraxanı sakinləri “Açıq mikrofon” qarşısında
Tarix: 24.05.2019 | Saat: 18:30:00
Bölmə:Sosial | çapa göndər

Suraxanı Rayon İcra Hakimiyyətinin başçısı İlqar Abbasovun Suraxanı rayonu, Qaraçuxur qəsəbəsi, Neftçilər parkında rayon sakinləri ilə səyyar qəbul – açıq mikrafon formatında növbəti görüşü olub.

Məlumat üçün bildirək ki, “Bakı şəhərinin və onun qəsəbələrinin sosial-iqtisadi inkişafına dair Dövlət Proqramı” çərçivəsində Neftçilər parkında yenidənqurma işləri aparılmış və bu il 18 aprel tarixdə Azərbaycan Respublikasının Prezidenti cənab İlham Əliyev və Azərbaycan Respublikasının Birinci vitse-prezidenti Mehriban xanım Əliyeva Neftçilər parkında yaradılan şəraitlə tanış olmuşlar.
Ümumi sahəsi 6 hektar olan ərazinin 4 hektarlıq hissəsində mədəniyyət və istirahət parkı yaradılmış, digər 2 hektarlıq sahədə isə meşə zolağı salınmış və velosiped yolları çəkilmiş, işıqlandırma işləri görülmüşdür. Bu istirahət məkanında “IDEA” İctimai Birliyinin layihəsi çərçivəsində uşaq idman və futbol meydançaları salınmış, trenajorlar quraşdırılmış, uşaq və yeniyetmələrin əyləncəsi, asudə vaxtlarının səmərəli təşkili üçün müxtəlif attraksionlar və oyun elementləri yerləşdirilib.
Görüşdə rayon İcra Hakimiyyətinin başçısı ilə bərabər, rayonun hüquq - mühafizə orqanlarının, idarə və müəssisələrin, dövlət orqanlarının yerli idarələrinin və xidmət sahələrinin rəhbərləri iştirak ediblər.

Bu səyyar görüş-qəbul ona dəlalət edir ki, rayon İcra Hakimiyyətinin başçısı sakinləri dinləməklə bərabər, vətəndaşların müraciətlərinə operativ münasibət bildirməyə və dərhal tədbir görməyə hazırdır.
Rayon İcra Hakimiyyətinin başçısı İlqar Abbasov əvvəlcə sakinlərə ölkə başçısı İlham Əliyev tərəfindən qəbul edilən, əhalinin sosial müdafiəsinə və rifah halının yüksəldilməsinə yönəldilmiş qərarlar, o cümlədən minimum əməkhaqlarının və pensiyaların, tələbələrin təqaüdlərinin, müharibə veteranlarına, şəhid ailələrinə verilən müavinətlərin əhəmiyyətli dərəcədə artırılması, 12 mindən çox şəhid vərəsəsinə 11 min manat məbləğində birdəfəlik vəsaitin ödənilməsi, məcburi köçkünlərin və şəhid ailələrinin mənzil-məişət şəraitinin yaxşılaşdırılması, bəzi çoxmərtəbəli binalarda mənzillərin sənədləşdirilməsi, eyni zamanda problemli kreditlər sahəsində vətəndaşların maliyyə yükünün azaldılması və müavinətlərin artırılması istiqamətində həyata keçirilən tədbirlər, verilmiş mühüm göstərişlər barədə tam dolğunluğu ilə məlumat verib.

Mindən artıq sakinin iştirakı ilə “Açıq mikrofon” şəraitində keçən görüşdə 30-dan artıq sakinin şikayət və təklifi dinlənililib. Sakinlər həllini gözləyən problemlər barədə danışaraq aktual məsələlər qaldırıblar.
Müraciətlər əsasən küçə və yolların asfaltlanması, işıqlandırılması, su və kanalizasiya şəbəkəsinin qurulması, sənədsiz evlərin sənədləşdirilməsi və digər mövzularla bağlı olub. Görüşdə sakinləri narahat edən müxtəlif məsələlərə rayon rəhbəri tərəfindən aydınlıq qətirilmiş, müvafiq izahatlar verilmiş və qaldırdıqları məsələlərin həlli istiqamətində əlaqədar qurum və təşkilatların rəhbərlərinə yerindəcə tapşırıqlar verilmiş və onların həlli nəzarətə götürülmüşdür.
Qeyd edək ki, bu tip səyyar görüş-qəbulların keçirilməsi sakinlərin problemlərinin öyrənilməsinə və onların aradan qaldırılmasına xidmət edir.



Bölməyə aid digər xəbərlər
Xəbərə şərh yaz
27.06.2019
26.06.2019
25.06.2019