Naxçıvan Muxtar Respublikası
+8-13°
0- 5°
Qazax, Gəncə, Goranboy, Tərtər, Ağdam, Füzuli, Cəbrayıl
+9 -14°
0-5°
Mərkəzi-Aran
+10-15°
+0-5°
Masallı, Yardımlı, Lerik, Lənkəran, Astara
+ 10 -14°
+4-6°
Bakıda və Abşeron yarımadasında
+8 - 13°
+3 - 5°
Günün qoroskopu
Tarix: 05.02.2013 | Saat: 05:17:00
Bölmə:Qoroskop | çapa göndər

Qoç - yerinə yetirmədiyiniz vədləri, unutduğunuz öhdəlikləri bu gün sizə xatırladacaqlar. Günəş və Marsın münasibətlərinin günə təsiri işinizin artmasına səbəb olacaq.
Ruh düşkünlüyü, depressiyaya qapılmayın.

Narazılığın ən yaxşı "dərman"ı işdir.
İş nə qədər ağır və mürəkkəb olarsa, gün bir o qədər sürətlə keçəcək.

Əhvalınızdakı dəyişikliklər sizə günün leytmotivini görməyə, baş verənlərin qayəsini anlamağa mane olmamalıdır. Əlverişli şansları dəyərləndirin, durumun yaxşılaşdırılması üçün münbit zəmin hazırlamağa çalışın.

Yeni nə varsa, cazibədar təsir bağışlaya bilər.
Köhnəlik isə sizi qıcıqlandıracaq.

Problemə yeni nəzər-nöqtəsindən baxa bilsəniz, irəliləyəcəksiniz.

Buğa - bu gündən nəticələrə nəzər salınması və əldə edilənlərin dəyərləndirilməsi üçün istifadə edin. Sabaha hazırlaşın.

Mövqeyinizi hər baxımdan təhlil edin və yeni qərar qəbul edin.
Yaxın vaxtlarda yeni təcrübə əldə etmək üçün əlverişli vaxtdır.

Ay və Pasifenin münasibətlərinin təsiri ilə yaranmış şərait xoşunuza gəlməyə bilər, amma təlaşa düşməyin, sakit şəkildə yolunuza davam edin. Situasiyaya yenidən nəzarəti bərpa etməyincə nəyisə dəyişməyə çalışmayın.

Gələn siqnallara fikir verin.
İşdə rəhbərlik, evdə ailə üzvlərinizlə münaqişə yaratmayın.

Ayıq olun, yaranan şansları əldən verməyin.

Əkizlər - haradasa uzaqlarda güclü külək başlayıb. Çətin dövrdür. Şərtlər əlverişli olmasa da, təcili işi başa vurmaq gərəkdir. Venera və Plutonun münasibətləri sizdən kəskin ehtiyac olmadan hadisələri tələsdirməməyi tələb edir.

Dəyişən şərtlərdə düzgün seçim etmək, həyatda daha çox qaydanın hiss olunması üçün təxirə salınmadan görüləsi işlərin siyahısının bəlirlənməsi gərəkdir.
Tələsin, çünki az sonra münasibətlərdə gərginlik, fors-major durum, çətin şərait müşahidə oluna bilər.

İndi yüksələn xətlə gedən nə varsa, inkişaf etdirmək və istiqamətləndirmək gərəkdir. Artıq qayğılardan qorunun.
Faydalı məlumat uzaqdan gələ bilər.

Xərçəng - işdə rəhbərlik, günün yaşamında isə rəsmi strukturlar və sadəcə, şərtlərin təzyiqi hiss olunacaq. Ayla Veneranın münasibətləri belə təsiri qaçılmaz edir. Reaksiya sizdən asılıdır. Sözlər və addımlarda sonrakı hadisələrin zəmini formalaşır. Hər şey istədiyiniz təki sadə, asan olmayacaq.

İşdə rəhbərliklə münasibətləri gərginləşdirməyin.
Başqalarının gözləntilərinə qarşı çıxmaq fikriniz varsa, normaldır. Lakin unutmayın ki, haqlı olduğunuzu sübut etmək üçün yetərincə arqumentləriniz olmalıdır.

Evlə bağıl qayğılar işdəki tapşırıqlarla ziddiyyət yarada bilər. Sizdən asılı olan bütün işləri görün, amma ifrata varmayın.
Hərəkətlərinizlə müqayisədə münasibət və reaksiyanız daha önəmlidir.

Ciddi planlarınızla bağlı olan nə varsa, səhvlərə yol verməmək üçün tələsdirməyin.

Şir - Hiperion və Oberon sizə sürprizlər hazırlayırlar. Qətiyyət və əzminiz sınağa çəkiləcək. "Stavka"ların yüksək olduğu situasiyalarda risk etməyin. Təminat və müəyyənlik yoxdursa, düşünülməmiş addımlar atmayın. Həyat sizi bir neçə variantdan birini seçməyə vadar edəcək.

Prioritetləri dəqiq müəyyənləşdirin.
Seçiminiz məntiqi olmaya da bilər.
Tərəfdaşlara təzyiq etməyin. İşi başa vurmağa çalışın, sağlam vərdişləri əxz edin.

Rəqiblər və mane olan insanlara qarşı düşünülmüş addımlar atın. Sizə mühüm olan nəsnəni və ya insanı kənar təsirlərdən qorumağa can atın. Artan gərginlikdən çəkinməyin: bu, sizə qətiyyəti artırmağa imkan verəcək.

Qız - Deymos və Qanimedin münasibətləri sizi maraqlandıran məsələ istiqamətində inkişafı təxirə salacaq. Diqqətinizi başqa işə və ya marağa yönəldin. Yaxın insanlarınızdan biri problemlə qarşılaşa bilər. Maraqlandığınız məlumatı almaq çətinləşəcək. Kiminsə pərdələnmiş təsiri və ya sizə qarşı hərəkət etməsi istisna deyil.

Heç bir açıqlama vermədən sizdən istifadə etməyə çalışırlar. Bu gün mühüm sənədlər imzalamayın, həyatınızda köklü şəkildə nəyisə dəyişməyin. Münaqişələrə qatılmayın.

İntellektual iş qəfil tapıntı, irəliləyiş, uğurlu məlumat axtarışı ilə müşayiət oluna bilər.

Tərəzi - İo və Enseledin münasibətlərindəki intensivləşmənin sizə təsirsiz ötüşəcəyini düşünməyin. Daha diqqətli və sayıq olmalı, hədəflərinizə doğru qətiyyətlə irəliləyin.

İşdə rəhbərliklə münasibətlər pisləşə bilər. Evdə ailə üzvləri ilə münasibətlərinizə dəyər verin, çünki azacıq mübahisələr yarada bilər.

Valideynlər sizə nəyisə sübut etməyə, sizə müqavimət göstərməyə başlayacaqlar.
Hər şey olduğundan daha çətin, mürəkkəb təsir bağışlaya bilər.

Seçim etsəniz, onu dərhal dəyişməli olacaqsınız. Tələsməyin.

Diqqət və qayğınıza ehtiyac duyan insanların hamısına yardım edə bilməsəniz də, qayğıkeş olun.
Axşam saatlarında enerji çox olacaq.

Xoşunuza gələn, sizə əlverişli təmas dairəsi və məşğuliyyəti seçin.

Əqrəb - Hanimed və Tefeyanın münasibətləri sizdən daha cəsarətli hərəkət istəyir. Bu səbəbdən də hansısa mövzunun çərçivələrinin sizə artıq darlıq etdiyini hiss edə bilərsiniz. Təşəxxüslü, özünüzə həddən ziyadə güvənən insan olmayın.

Planlar əsla gözləmədiyiniz vaxtda və yerdə pozula bilər.
Təşəbbüs arzuolunan deyil. Səhvləri aradan qaldırın.

Bu gün məhkəmə, kimdənsə polisə şikayət üçün əlverişli deyil.
Başqasının taleyi, vaxtı və ya istəyi ilə bağlı qərar verməyin.

Yaradıcı yanaşma, qərarların orijinallığı tələb olunur.

Özünüzü soyuğa verməyin. Zəif və yardıma ehtiyacı olanlara kömək edin. Şəxsi münasibətlərdə ciddi söhbəti təxirə salmayın. Problemin emosional müzakirəsi əvəzinə effektiv həll yolunu seçin.

Oxatan - ehtiyatsız, tələsik və ya sadəlövh davranış nümayiş etdirərək bu hərəkətlərin qurbanı olmayın. Kallisto və Haronun münasibətləri sizdən baş verənlərə daha ayıq, müdrik münasibət tələb edir.

Yaşanan hadisələrin zahiri görüntülərinə aldanmayın, çünki batində başqa məna var. Başqa adamın sizə nəyisə sübut etməyə çalışdığını dərk edin, hər eşitdiyinizə sidq-ürəkdən inanmayın.
Günün ikinci yarısında sizi aldatmağa çalışacaqlar. Ona görə nəsnələrin ikili mahiyyətinin mövcudluğunu sezin.

İndi hər şey sizə qarşı və ya sizin üçün deyil. Maraqlarınıza toxunan məqamı diqqətsiz qoymayın.
Sualları aşkar şəkildə yox, dolayı yolla səsləndirin.
Daha çox qulaq asmağa və müşahidələrə üstünlük verin.

Vəzifə və ya yaş baxımından sizdən böyük olanlara qarşı hansısa tədbirdə çıxış etmək bu günün işi deyil.
Həmkarlarınız, yaşıdlarınız və dostlarınızla təmasları kəsməyin.

Yaxşı bələd olmadığınız məsələ barədə fikir yürütməyin, qapalı gərginliyin olduğu məkanı aşkarlayın.

Oğlaq - Günəş və Saturn arasındakı münasibətlərə Miranda müdaxilə edəcək ki, bunun da nəticəsi nigaranlıq, təlaş və narahatlıqdır. Hansısa məqam sizə maraqlı, sərfəli təsir bağışlasa belə, tələsməyin.

Gün sakit, rutin olmayacaq. İşdə həmkarlardan biri, evdə isə ailə üzvü sizə sürpriz hazırlayıb.
Bununla yanaşı, son vaxtlar qarşılıqlı anlaşmaya nail olmadığınız insanla əlaqələr qaydaya düşə bilər.

Əsas məsələ ambisiya və iddialarınızı bir kənara qoyaraq işin maraqları çərçivəsində fəaliyyət göstərməkdir.

Sürətlə dəyişən təəssüratlar və xəbərlərin təsiri bir işi dayandırıb başqa işə başlamağınıza səbəb ola bilər. Bunu əsla etməyin. Hər şeyi yaxşı düşünün, götür-qoy edin. Yeni işin sizə nə qədər gərək olduğunu, əlavə və izafi səylərin həcmini dəyərləndirin.

Dolça - Deymos və Amalteyanın münasibətləri bu gün gərginlik vəd etsə də, işlərinizə kimsənin müdaxilə etməsinə imkan verməyin.

Başqalarının işlərinə də qarışmayın.
İşdə həmkarlarınızla münasibətlərinizi kiçik, xırda məsələyə görə sınağa çəkməyin. Günün ilk yarısı cazibədar təklif ala bilərsiniz.

Emosiyalara qapılmayın, sizi sərt tənqid edən insana acı, qaba cavab verməyin.
Məntiqin hər nəsnəni üstələdiyini unutmayın və təmkinli hərəkət edin.
Səbrli, amma sürətli və aktiv olun.

Mənfəətin başqasının əlinə keçməsinə imkan verməyin.

Balıqlar - dəyərlər sisteminizdə bu gün ciddi axsamalar yarana bilər. Ləngər vuran dəyərlər sistemi Ay və Fobosun münasibətlərinin təsiri altındadır. Yaşanan situasiyada doğru yönü müəyyənləşdirməyə tələsin.

Həyatınızda irəliləyişə nail olmaq fikriniz varsa, ətalətə qapılmayın.
Kollektivdə problemlər, münasibətlərin gərilməsi ola bilər və bu səbəbdən də emosiyaların nəzarətdən çıxmaması üçün başınızı qatın.

Yaxın ətrafınızdakı insanların açıq danışmaları, səmimiyyəti ümumi işin xeyrinə olmaqla yanaşı, perspektivləri aydınlaşdıra bilər.

Rəqabət güclənə bilər. Mövqelərinizi möhkəmləndirəcək xəbər və məlumatı axtarın. Alış-veriş üçün uğursuz gündür. Maliyyə əməliyyatları və radikal müalicə metodlarının tətbiqi yolverilməzdir.


Bölməyə aid digər xəbərlər
17.06.2019 Günün qoroskopu
16.06.2019 Günün qoroskopu
12.06.2019 Günün qoroskopu
03.06.2019 Günün qoroskopu
02.06.2019 Günün qoroskopu

Xəbərə şərh yaz
17.06.2019
16.06.2019
15.06.2019