BAXCP qurultaya hazırlıq məsələlərini müzakrə edib

15:15 25.10.2011
Yazını böyüt
Yazını kiçilt
Bütöv Azərbaycan Xalq Cəbhəsi Partiyası (BAXCP) qurultaya hazırlaşır. Bu barədə BAXCP-nin mətbuat xidməti məlumat yayıb. Partiyanın İdarə Heyətinin bazar ertəsi keçirilən toplantısında qurultaya hazırlıq məsələləri müzakirə olunub, təşkilati məsələlərlə bağlı müzakirələr aparılıb. Bir sıra rayon təşkilatlarının müraciətlərinə baxılıb, BAXCP Ali Məclisinin oktyabrın 29-da keçiriləcək sessiyasının gündəliyi təsdiqlənib. Ali Məclisin sessiyasında BAXCP-nin III (IV) Qurultayının çağırılması və Qurultaya Hazırlıq üzrə Təşkilat Komitəsinin yaradılması ilə bağlı qərarların qəbul edilməsi gözlənilir. Partiyanın II (III) Qurultayı 2008-ci il iyunun 7-də keçirilib.