Parlament seçkilərinə AŞPA-dan 32 müşahidəçi gələcək

12:14 25.01.2020 Müəllif:Hafta.az
Yazını böyüt
Yazını kiçilt

Azərbaycanda fevralın 9-da keçiriləcək parlament seçkilərində səsvermə prosesini izləmək üçün Avropa Şurası Parlament Assambleyasının 32 üzvündən ibarət nümayəndə heyəti ölkəmizə gələcək. 

Hafta.az-ın secki-2020.az saytına istinadən xəbərinə görə, bu barədə AŞPA-nın seçkiqabağı nümayəndə heyəti yanvarın 22-23-də ölkəmizə edilən səfərdən sonra bəyan edib.

“Dövlət qurumlarının nümayəndələri seçkilərin AŞPA nümayəndə heyəti tərəfindən izlənməsini alqışladılar və seçkilərin şəffaf, azad və ədalətli şəraitdə keçirilməsi üzrə siyasi iradənin olduğunu vurğuladılar”, - bəyanatda deyilir.

Nümayəndə heyətindən qeyd edilib ki, seçkilər və onların müşahidəsi yalnız səsvermə gününə aid deyil, bütün seçki prosesini qiymətləndirmək üçün təhlil olunmalı və qiymətləndirilməli olan bir neçə mərhələdən ibarət prosesdir.

Siyasət rubrikasından digər xəbərlər