Qəbul imtahanlarında iştirak edənlərin 50%-dən çoxu universitetlərə qəbul olunmayıb

13:29 20.10.2019 Müəllif:Hafta.az
Yazını böyüt
Yazını kiçilt

2018-ci ildə keçirilən qəbul imtahanlarında iştirak edən gənclərin yalnız 48.65%-i ali təhsil müəssisələrinə qəbul olub.

Hafta.az AzEdu.az-a istinadən xəbər verir ki, bu barədə "Abituriyent"jurnalının 12-ci sayında bildirilib.

Qəbul olanların 30.25%-i dövlət sifarişi əsasında (29.41%-i dövlət, 0.84%-i özəl ali təhsil müəssisələrində), 69.75%-i isə ödənişli təhsil forması üzrə (58.19%-i dövlət, 11.56%-i özəl ali təhsil müəssisələrində) ali təhsil almaq hüququ qazanıb.

Beləliklə, imtahanda iştirak edən abituriyentlərin 51.35%-i (41756 nəfər) ali təhsil müəssisələrinə qəbul olmayıb. Təqdim edilən rəqəmlər qəbul prosesində həm rəqabəti, həm istəkləri təmin edilməyənlərin sayının nə qədər çox olduğunu, həm də qəbul prosesinin kütləviliyini, ağır və məsuliyyətli iş olduğunu göstərir.

Sosial rubrikasından digər xəbərlər