Qubada postda saxlanılan şəxsin avtomobilindən nərə balıqları aşkarlanıb

12:00 25.01.2021 Müəllif:Hafta.az
Yazını böyüt
Yazını kiçilt

Qubada postda saxlanılan şəxsin avtomobilindən balıqları aşkarlanıb.

Daxili İşlər Nazirliyinin Mətbuat Xidmətindən hafta.az-a verilən məlumata görə, Quba Rayon Polis Şöbəsinin əməkdaşları rayon ərazisində Xaçmaz rayonu Xudat şəhər sakini Telman Vəliyevin idarə etdiyi nəqliyyat vasitəsini saxlayıblar. Şöbə əməkdaşları sürücünün sənədlərini yoxladıqdan sonra nəqliyyat vasitəsinin yük yerinə baxış keçiriblər. Bu zaman oradan T.Vəliyevə məxsus qanunla ovlanması qadağan edilmiş ümumi çəkisi 20 kiloqrama yaxın beş ədəd nərə balığı aşkar olunub.

T.Vəliyev qanunvericiliyə uyğun olaraq saxlanılaraq RPŞ-nə gətirilib.

Faktla əlaqədar Quba Rayon Polis Şöbəsində araşdırmalar davam etdirilir.

Oxunma sayı 259