Şəhriyar Məmmədyarov 10 min dollarlıq turnirin qalibi olub

17:37 14.06.2020 Müəllif:Hafta.az
Yazını böyüt
Yazını kiçilt

Birləşmiş Ərəb Əmirliklərinin Şərcah şəhərində təşkil olunan onlayn blits şahmat üzrə turnir başa çatıb.

10 min ABŞ dolları mükafat fondu olan “World stars” turnirinin qalibi adına Şəhriyar Məmmədyarov yiyələnib.

Azərbaycan yığmasının lideri 10 mümkün xaldan 7,5 xal toplayıb. Hindistanlı Pentala Harikrişna 6,5 xalla 2-ci olub. İlk “üçlüy”ü polşalı Radoslav Voytaşek qapayıb – 6 xal.

Qeyd edək ki, turnirdə Rüstəm Qasımcanov (Özbəkistan), Amin Bassem (Misir) və Salem Saleh (BƏƏ) kimi tanınmış qrossmeysterlər də qüvvəsini sınayıb.

Oxunma sayı 7431