Bakıda inşaat sərgisi keçiriləcək

15:15 19.10.2011
Yazını böyüt
Yazını kiçilt
Bu gün Böyük Britaniyanın “ITE Group“ şirkətinin Qafqazdakı eksklüziv tərəfdaşı olan “Iteca Caspian“ şirkətinin təşkilatçılığı ilə Bakıda XVII Azərbaycan Beynəlxalq İnşaat Sərgisi başlayır.
Sərgidə 26 ölkədən 317 şirkət iştirak edəcək. Azərbaycandan olan istehsalçı və distribütorlar sərgi iştirakçılarının ümumi sayının 35 faizini təşkil edir. Bununla yanaşı sərgiyə Türkiyə, Çin, Koreya, Küveyt, Birləşmiş Ərəb Əmirlikləri, Qərbi və Şərqi Avropa ölkələrindən olan şirkətləri də qatılacaq. Bu ölkələr sərgi iştirakçılarının 50 faizini, yaxın xaric və MDB məkanından olan iştirakçılar isə təxminən 15 faizini təşkil edir.
Tədbir çərçivəsində IX Xəzər Beynəlxalq Mebel, İnteryer və Dizayn (“Caspian MebelExpo-2011“) , III Beynəlxalq İstilik, Havalandırma və Kondisiyalaşdırma Sistemləri, Su Təchizatı, Sanitariya, Ətraf Mühitin Mühafizəsi Texnologiyaları və Üzgüçülük Hovuzu (CIPS-2011) və IV Xəzər Beynəlxalq Mühafizə, Təhlükəsizlik və Xilasetmə Vasitələri (“Aqua-Therm Baku-2011“) sərgiləri də təşkil olunacaq.
Qeyd edək ki, sərgi Azərbaycan Fövqəladə Hallar, İqtisadi İnkişaf nazirlikləri, Şəhərsalma və Arxitektura Komitəsi, Azərbaycan Sahibkarlar Konfederasiyası və Azərbaycanda İxracın və İnvestisiyaların Təşviqi Fondunun (Azpromo) dəstəyi ilə keçiriləcək.


Sevinc
Oxunma sayı 149