"Bizim komitənin nə helikopteri, nə yaxtası, nə də təyyarəsi var" - Komitə sədri

12:01 22.11.2019 Müəllif:Tural Turan
Yazını böyüt
Yazını kiçilt

"Bizim komitənin nə helikopteri, nə yaxtası, nə də təyyarəsi var. Ən aşağı büdcəsi olan komitədir".

Hafta.az-ın əməkdaşının verdiyi xəbərə görə, bunu Yeni Azərbaycan Partiyasının qərərgahında keçirilən mətbuat konfransında Ailə, Qadın və Uşaq Problemləri üzrə Dövlət Komitəsinin sədri Hicran Hüseynova deyib:

"Mənə dedilər ki, Ağdamda tədbir keçiriləcək və 30 nəfər orada gözləyir. Maşınımda problem yarandığına görə, mən hərbçilərlə əlaqə saxladım və soruşdum ki, kim Ağdama gedəcək? Mən Ağdama hərbi helikopterlə getdim. Əslində cəbhə xətti olduğuna görə, bu çox təhlükəli idi. Biz orada müxtəlif problemləri olan insanlara kömək etdik. Mən kefə, kurorta getməmişəm. Əsas məsələ bu idi ki, 12 saatı mən yola sərf etməkdənsə, oradakı insanların problemlərinə həsr edim".