"Niva" ağaca çırpılıb, iki nəfər ağır xəsarət alıb - FOTO

23:04 19.10.2019 Müəllif:Hafta.az
Yazını böyüt
Yazını kiçilt

Şamaxı rayonunda iki nəfərin ağır xəsarət alması ilə nəticələnən yol-nəqliyyat hadisəsi baş verib.

Hafta.az-ın APA-ya istinadən xəbərinə görə, hadisə bu gün axşam saat 21:00 radələrində Bakı-Şamaxı-Yevlax avtomobil yolunun Şamaxı şəhərindən keçən hissəsində qeydə alınıb.

"Niva" markalı minik avtomobili yoldan çıxaraq ağaca çırpılıb, biri azyaşlı olmaqla, iki nəfər ağır xəsarət alıb. Yaralılar Şamaxı rayon Mərkəzi Xəstəxanasına çatdırılıb.

Faktla bağlı araşdırma aparılır.