"Qadınlara qarşı zorakılıqla bağlı xüsusi arayış hazırlamışıq" - Komitə sədri

12:12 22.11.2019 Müəllif:Hafta.az
Yazını böyüt
Yazını kiçilt

“Qadınlara qarşı zorakılıqla bağlı xüsusi arayış hazırlamışıq”. Hafta.az-ın əməkdaşının verdiyi xəbərə görə, bunu Ailə, Qadın və Uşaq Problemləri üzrə Dövlət Komitəsinin sədri Hicran Hüseynova Yeni Azərbaycan Partiyasının (YAP) qərargahında keçirdiyi mətbuat konfransında deyib.

O bildirib ki, bu problemlər bir gün ərzində olmur: “Bundan əvvəl qadına qarşı zorakılıq hallarını ailədə bilirlər. Ona görə də aidiyyatı qurumlar reaksiya verməlidir. Vaxtında qadına dəstək verilsə, belə hallar olmaz. Bu gün əsas problemlərdən biri də sığınacaqların olmamasıdır. Bizdə sığınacaqlar yoxdur ki, zəruri halda uşaqları yerləşdirək. Uşaqlar hansısa müddətdə o sığınacaqlarda yerləşdirilə bilər, onlara sosial işçilər, psixoloqlar dəstək verə bilər. Dünya ölkələrində belə sığınacaqlar bələdiyyələr tərəfindən yaradılıb”.