İctimai Şuraya namizədlərin irəli sürülməsi prosesi başlayıb - Gömrük Komitəsi

17:42 22.07.2021 Müəllif:Hafta.az
Yazını böyüt
Yazını kiçilt

Dövlət Gömrük Komitəsi (DGK) yanında İctimai Şuranın yaradılması məqsədilə şura üzvlüyünə namizədlərin irəli sürülməsi və qeydiyyatı prosesi başlayıb.

Komitənin Mətbuat və İctimaiyyətlə Əlaqələr İdarəsindən hafta.az-a bildirilib ki, bu məqsədlə DGK sədrinin müvafiq sərəncamına əsasən İctimai Şuraya seçkilərin təşkili üçün Seçki Komissiyası yaradılıb. Seçki Komissiyasının 17 iyul 2021-ci il tarixli qərarı ilə 23 iyul 2021-ci il tarixdən 23 avqust 2021-ci il tarixədək İctimai Şura üzvlüyünə namizədlərin irəli sürülməsi və qeydiyyatı elan olunub. Qeyd edək ki, İctimai Şura 13 nəfərdən ibarət tərkibdə seçiləcək. Namizədliyini irəli sürmək istəyən şəxslər aşağıdakı linkdən ətraflı məlumat ala bilərlər. https://customs.gov.az/az/elanlar

Oxunma sayı 384