“Çətin geosiyasi mühitə baxmayaraq, hökumətimiz Gürcüstanda iqtisadi artım, sosial bərabərlik, təhlükəsizlik və sabitlik prinsiplərinə qətiyyətlə sadiq qalır”.
Hafta.az-ın yazdığına görə, bunu Gürcüstanın baş naziri İrakli Kobaxidze deyib. Baş nazirin sözlərinə görə, Gürcüstan hökumətinin güclü və rəqabətqabiliyyətli iqtisadiyyatı təşviq etmək öhdəliyi ölkənin daxili inkişafına töhfə verməklə yanaşı, beynəlxalq tərəfdaşlıq əlaqələrinin genişləndirilməsi üçün möhkəm zəmin yaradır.
“Yalnız açıq və davamlı dialoq vasitəsilə biz qarşılıqlı anlaşmanı dərinləşdirə və hamının xeyrinə əsaslandırılmış qərarlar qəbul edə bilərik. Buradakı görkəmli iştirakçılar hadisələri idarə etmək, müsbət dəyişiklikləri təşviq etmək və daha təhlükəsiz və firavan gələcəyə töhfə vermək üçün bilik və təsirə malikdirlər. Güclü və rəqabətədavamlı iqtisadiyyatı inkişaf etdirmək öhdəliyimiz ölkənin daxili inkişafına töhfə verməklə yanaşı, beynəlxalq tərəfdaşlıq əlaqələrinin genişləndirilməsi üçün möhkəm zəmin yaradır”, - deyə baş nazir bildirib.
