“Rosstat”ın məlumatına görə, 2024-cü ilin sonuna qədər üç və ya daha çox uşağı olan 2,65 milyon ailənin 20 faizi və ya təxminən 530 min nəfəri rəsmi yoxsulluq həddinin altında yaşamaq üçün mübarizə aparacaq. Eyni dövrdə ölkədə ümumi yoxsulluq səviyyəsi 7,2 faiz olduğu halda, çoxuşaqlı ailələrdə bu göstərici təxminən üç dəfə yüksək olub. Aylıq gəlir əsasında yoxsulluq həddi böyüklər üçün 16848 rubl (210 dollar), uşaqlar üçün isə 15293 rubl (192 dollar) müəyyən edilib.
Hafta.az-ın yazdığına görə, bu rəqəmlər cəmiyyətin reallığını əks etdirməkdən uzaqdır. “Levada” Mərkəzinin apreldə keçirdiyi sorğuya görə, insanlar yaşayış üçün lazım olan minimum aylıq gəliri orta hesabla 38700 rubl (485 dllar) olaraq görürlər. Bu hesablamaya görə, Rusiyada real yoxsulluq səviyyəsi 22,8 faizə çatır. Əslində, rəsmi məlumatlara görə, ölkənin hər iki vətəndaşından biri (47,2 faiz) ayda 45 min rubldan (563 dollar) az gəlirlə yaşayır. Xüsusilə çoxuşaqlı ailələrdə yoxsulluğun struktur problemi olduğu bildirilir.
Yoxsulluğun iki dəfə azaldılması Vladimir Putinin 2018-ci ildə dördüncü müddətə prezident seçilərkən açıqladığı əsas məqsədlərdən biri idi. Lakin növbəti altı il ərzində bu məqsədə nail olunmadı. 2030-cu ilə qədər ümumi yoxsulluğu 7 faizə, çoxuşaqlı ailələr üçün isə 12 faizə endirmək nəzərdə tutulmuşdu. Dövlət başçısı vurğulayıb ki, bu prosesin mərkəzində çoxuşaqlı ailələr dayanmalıdır.
