Əfqanıstan İslam Əmirliyi Xarici İşlər Nazirliyinin sözçüsü Abdulkahhar Belhi Almaniyanın Kabildəki səfirliyinin sosial media hesabında yazılan yazıya cavab verib.
Hafta.az-ın yazdığına görə, Almaniyanın Kabildəki səfirliyi tərəfindən paylaşılan paylaşımda İslam Əmirliyi rəhbərliyinin “insanlara açıq şəkildə qamçı vurduğu və bunun qəbuledilməz olduğu” bildirilib. İslam Əmirliyi rəhbərliyinin beynəlxalq hüquqa və Birləşmiş Millətlər Təşkilatının İşgəncələrə Qarşı Konvensiyasına əməl etməli olduğu bildirilən mesaja Xarici İşlər sözçüsü Belhinin cavabı sərt olub.
Abdulkahhar Belhi Almaniyaya cavabında aşağıdakı ifadələrdən istifadə etdi:
"Nasizmin, antisemitizmin və konsentrasiya düşərgələrinin yaxın keçmişi olan bir ölkənin yenidən irqçilik və islamafobiyaya rəhbərlik etməsi son dərəcə narahatedicidir. Bunun hara aparacağını ancaq Allah bilir. İslamın ilahi qanunu ədalətdir və Allah bəndələrinə qarşı ədalətlidir və mərhəmətlidir”.
Qeyd edək ki, İslam Əmirliyinin Əfqanıstandakı administrasiyasının rəhbəri Hibətullah Axundzadə bu yaxınlarda verdiyi bir sıra sərəncamlarda İslam dinində ədaləti təmin etmək üçün tətbiq edilən cəzalardan qaçınmamalı olduğunu bildirib. Axundzadə hakimlərə müraciətində bildirib ki, “oğru, adam oğurluğu edən və fitnə törədənlərin işlərinə diqqətlə baxılmalıdır”.
