Gələn il Ginnesin Rekordlar Kitabına düşəcək bir sıra rekordlar açıqlanıb.
Hafta.az-ın NTV-yə istinadən yazdığına görə, yeni rekordlar kitabında 2638 rekord var. Bunların 80 faizinə tamamilə yeni və yenilənmiş qeydlər daxildir. Bunlardan bəzilərini missal göstərək:
ABŞ-ın Massaçusets ştatında Tommi adlı 13 yaşlı öküz “dünyanın ən hündür öküzü” olub. Tommi hər gün 13 funt quru taxıl və 31 funt otla qidalanır. Gündə 114-151 litr su içir.
Amerikalı Nikolas Çerrivud "dünyanın ən böyük oyuncaq ayı kolleksiyasına" sahib olmaq rekordunu qırıb. Kolleksiya 1234 parçadan ibarətdir.
Daun sindromlu 18 yaşlı Tom Enok fitnes üzrə 24 rekord qırıb.
Kaliforniyada 14 yaşlı Amir Menendez "ən uzun afro saçlı adam" olub.
Birminhemli 15 yaşlı Simon Qraham bir dəqiqədə 5-7 obyekti hoqqa çıxararaq Ginnesin Rekordlar Kitabına düşüb.
