Gömrükçülər külli miqdarda pirotexniki vasitə müsadirə ediblər - FOTO

15:22 26.11.2021 Müəllif:Hafta.az
Yazını böyüt
Yazını kiçilt

Gömrükçülər külli miqdarda pirotexniki vasitələrin və dərman preparatlarının qanunsuz yolla ölkə ərazisinə gətirilməsinin qarşısını alıblar.

 

Dövlət Gömrük Komitəsindən hafta.az-a verilən məlumata görə, Qərb Ərazi Baş Gömrük İdarəsinin Əməliyyat və Təhqiqat İdarəsinin Əməliyyat şöbəsinə daxil olan məlumat əsasında İdarənin “Qırmızı Körpü" gömrük postunda Gürcüstandan ölkəmizə ağacyonqarlı piltələr, səthi melaminlə hopdurulmuş, kağızla örtülmüş laminat yükü gətirən “DAF” markalı yük nəqliyyat vasitəsi saxlanılıb və terminalın ərazisinə gətirilib.

 

Yoxlama zamanı nəqliyyat vasitəsində gətirilən yüklərdən əlavə karton qutuların olduğu müəyyən edilib. Baxış zamanı 213 iri həcimli qutuda -10 384 ədəd fişəng, 164 560 ədəd petarda və 2 qutuda 42 000 ədəd “Prednizalon 5 mg” adlı həb, 66 flakon “Fosit 4 g” adlı dərman vasitələri aşkarlanıb.

 

Gömrükçülər külli miqdarda pirotexniki vasitə müsadirə ediblər (FOTO) - Gallery Image Gömrükçülər külli miqdarda pirotexniki vasitə müsadirə ediblər (FOTO) - Gallery Image 

Oxunma sayı 31