Müxalifətçi gənc Müsavatı yıxıb-sürüdü: Xəyanət edirsiniz və buna uyğun da cavabınızı alacaqsınız

16:00 15.11.2019 Müəllif:Hafta.az
Yazını böyüt
Yazını kiçilt

Düz 2 il bundan öncə Müsavatda sənəd alveri ilə bağlı Meydan TV-də yazım getdi. Həmin yazıdan sonra bütün Müsavat heyəti düşdü üstümə və məndən sübut tələb etdilər. Sübutları ara-sıra bəzilərinə göndərdim. Daha sonra Laçın Məmişov çıxdı və sənədli, şahidli faktlar qoydu ortaya. Şahid Rəşad adlı birisi efirə çıxdı və zərərçəkmiş kimi çıxış etdi. Mehdi Xəlilbəyli adlı birisinin onu necə aldatdığını və Musavatdan sənədi pulla necə aldığını efirdən səsləndirdi. Müsavat yenə də sübut tələb etdi.

Hafta.az-ın məlumatına görə, bunları Avropada yaşayan gənc fəal Nahid Cəfərov deyib. O bildirib ki, indi də Almaniynın tanınmış mətbuat orqanları Azərbaycandan saxta sənədlərlə insan daşıyan dəstənin zərərsizləşdirilməsi ilə bağlı yazılar dərc etməyə başlayıb:

"Nəticədə bizim ifşa etdiyimiz və Müsavatın müdafiə etdiyi Mehdi Xəlilbəyli haqqında 6 aylıq həbs qətimkan tətbiri seçildi. Müsavat əvvəl susdu və proseslərdəki boşluqları öyrənməyə çalışdı. Bütün bunlara cavab olaraq ilkin mərhələdə məqalədə Mehdi Xəlilbəylinin adının keçməməsindən yapışdılar və daha sonra onun-bunun statuslarından götürüb xəbər düzəltməyə başladılar. Adam həbsdədir, həbsi ilə bağlı konkret ad çəkilməsə də yaşadığı şəhər və yaşı qeyd edilib. Bəzi müsavatçılar isə iddia edir ki, yoxe, orada deməli idi ki, bu, Mehdi Xəlilbəylidir və biz onu Müsavata görə həbs edirik. İşin daha da qəlizləşdiyini görsələr, Mehdi Xəlilbəylidən imtina edəcəklər və deyəcəklər ki, biz onu çoxdan qovmuşuq partiyadan.

Bir şeyə əmin olun. Sizlər bu millətin qara üzüsünüz. Siyasi mübarizəyə xəyanət edirsiniz və buna uyğun da cavabınızı alacaqsınız".

Qeyd edək ki, Almaniyanın hüquq-mühafizə orqanları Azərbaycanın Müsavat partiyasının keçmiş üzvlərini saxlayıb. Cinayətkar şəbəkəyə daxil olan 7 nəfər həbs edilib.

Cinayətkar dəstənin saxlanılan üzvləri barəsində yerli federal məhkəmələr tərəfindən 6 ay müddətinə həbs qətimkan tədbiri seçilib.

Siyasət rubrikasından digər xəbərlər