Neft Daşlarında 570 aktiv quyu mövcuddur - SOCAR 

12:38 16.10.2019 Müəllif:Hafta.az
Yazını böyüt
Yazını kiçilt

Bu gün Neft Daşları yatağında 570 aktiv quyu mövcuddur.

Hafta.az-ın məlumatına görə, bunu SOCAR-ın yataqların işlənilməsi üzrə vitse-prezidenti Yaşar Lətifov Bakıda keçirilən Xəzər Texniki Konfransında deyib.

O qeyd edib ki, bu gün yatağın ərazisinin 340 kilometri istifadə olunur və burada 58 fəal sahə, 14 produktiv üfüq var.

Y.Lətifovun sözlərinə görə, Neft Daşlarının istismar tarixində 175 milyon ton neft istehsal olunub və indi bərpa 50 faizə bərabərdir: “10 milyon ton həcmində ehtiyatlar qalır. Geoloji ehtiyatlar da 10 milyon ton təşkil edir”.