Beynəlxalq Olimpiya Komitəsi Olimpiya Oyunları zamanı qızıl, gümüş və ya bürünc medal qazanan idmançılara pul mükafatı vermir. Olimpiada idmançıları idman və tarixi qələbə ilə təmin etməklə kifayətlənir, lakin birbaşa maddi stimul vermir.
Hafta.az-ın yazdığına görə, bununla belə, Milli Olimpiya Komitələri tərəfindən təmsil olunan ölkələr olimpiya uğurları qazanan idmançılara hər bir medalla fərqlənən xüsusi maliyyə mükafatları verir.
Ən böyük donor Honq Konqdur. Amerikanın CNBC telekanalı Milli Olimpiya Komitələrinə istinadən olimpiya çempionlarına ən çox pul verən ölkələrin siyahısı ilə hesabat dərc edib.
Qızıl medal qazananlara 768 min dollar verən Honq-Konq Olimpiya çempionlarına ən çox pul verən ölkələrin siyahısına başçılıq edir. Honq-Konqda gümüş mükafatçı 384 min dollar, bürünc mükafatçı isə 192 min dollar alır.
Qızıl medal üçün 745 min dollar, gümüş medal üçün 373 min dollar və bürünc medal üçün 186 min dollar verən Sinqapur ikinci yerdədir.
Qızıl medallara 300 min dollar, gümüş və bürünc medallara isə 150 min dollar mükafat verən İndoneziya üçüncü pillədə qərarlaşıb.
İsrail 271 min dollar qızıl medala, 216 min dollar gümüş medala və 135 min dollar bürünc medala verməklə dördüncü yerdədir.
Qızılı nedala 271 min dollar, gümüş medala 216 min dollar, bürünc medala isə 175 min dollar verən Qazaxıstan siyahıda beşinci, 216 min dollar qəzəl medala və 22 min dollar gümüş və bürünc medallara verən Malayziya altıncıdır.
İspaniya 102 min dollar qızıl medala, 52 min dollar gümüş medala və 33 min dollar bürünc medala verməklə yeddinci, Fransa 87 min dollar qızıl medala, 43 min dollar gümüş medala və 22 min dollar bürünc medala verməklə səkkizinci yerdədir.
Cənubi Koreya 45 min dollar qızıl, 25 min dollar gümüş və 18 min dollar bürünc medala verərək siyahıda doqquzuncu, ABŞ isə 38 min dollar qızıl, 23 min dollar gümüş və 15 min dollar bürünc medala ayırmaqla siyahıda ilk onluğu tamamlayır.
Bu sistem ölkələrin öz idmançılarına verdiyi önəmi və dəstəyi göstərir. Hər bir ölkə öz büdcəsi və siyasətinə uyğun olaraq idmançılarına müxtəlif stimullar təklif edir. Bu, idmançıların performansına və motivasiyasına müsbət təsir göstərə bilər.
