Rusiya prezidenti Vladimir Putin özü də daxil olmaqla bir sıra dövlət qulluqçularının maaşlarının 5,5 faiz artırılmasını nəzərdə tutan fərmanı imzalayıb. Putinlə birlikdə baş nazirin və nazirlərin maaşları da artıb.
Hafta.az-ın yazdığına görə, Vladimir Putin vəzifəyə ilk gələn 2002-ci ildə 63 min rubl maaş alıb. TASS-ın məlumatına görə, son artımla Putinin aylıq maaşı 874 min rubla (9 min dollar) yüksəlib. Amma başqa mənbələrə əsasən Rusiya prezidentinin aylıq maaşı 136 min dollar civarındadır.
Dövlət başçısının maaşı indiyədək 1,03-2,65 dəfə artıb. Son artım 1055 dəfə artıma uyğundur. Bildirilir ki, maaşların tənzimlənməsi inflyasiyanın artması ilə bağlıdır.
Bu arada, dünyanın bir sıra ölkələrinin prezidentləri və baş nazirlərinin aylıq maaşına baxanda, Rusiya prezidentinin maaaşı xeyli az görünür.
Ümumiyyətlə, dünyada prezident və baş nazirlərin maaşları aşağıdakı kimidir:
Azərbaycan prezidenti 17 min, Ermənistan prezidenti 30 min, Avstriyanın baş naziri 338 min, Avstraliyanın baş naziri 393 min, Banqladeş prezidenti 17 min, Braziliya prezidenti 103 min, Bolqarıstan prezidenti 79 min, Kamerun prezidenti 621 min, Kanadanın baş naziri 279 min, Çili prezidenti 196 min, Çin sədri 22 min, Kolumbiya prezidenti 135 min, Konqo Demokratik Respublikasının prezidenti 108 min, Kipr prezidenti 90 min, Çexiya prezidenti 150 min, Danimarkanın baş naziri 250 min, Misir prezidenti 70 min, Estoniya prezidenti 75 min, Avropa İttifaqı Komissiyasının prezidenti 448 min, Finlandiyanın baş naziri 164 min, Fransa prezidenti 165 min, Fransanın baş naziri 220 min, Gürcüstan prezidenti 91 min, Almanuiyanın kansleri 370 min, Yunanıstan prezidenti 155 min, Hindistanın baş naziri 66 min, İran prezidenti 21 min, İraq prezidenti 810 min, İsrailin baş naziri 657 min, İtaliya prezidenti 275 min, Yaponiyanın baş naziri 317 min, imperatoru isə 3,1 milyon, İordaniya kralı 848 min, Qazaxıstan prezidenti 21 min, Küveyt əmiri 165 min, Qrğızıstan prezidenti 19 min, Latviya prezidenti 71 min, Livan prezidenti 150 min, Litva prezidenti 86 min, Lixtenşteynin baş naziri 255 min, Lüksenburqun baş naziri 278 min, Mavritaniya prezidenti 300 min, Moldova prezidenti 6500, Mərakeş kralı 489 min, Niderland kralı 6 milyon, Yeni Zelandiyanın baş naziri 326 min, Norveç kralı 33 milyon, Oman sultanı 7,3 milyon, Pakistan prezidenti 66 min, Fələstin prezidenti 120 min, Qətər əmiri 36 milyon, Sinqapur prezidenti 1,5 milyon, baş naziri isə 1,6 milyon, CAR prezidenti 226 min, İspaniya kralı 304 min, baş naziri isə 96 min, İsveç kralı 15,8 milyon, İsveçrə prezidenti 507 min, Suriya prezidenti 576 min, Türkiyə prezidenti 198 min, Ukrayna prezidenti 12 min, ABŞ prezidenti 400 min, Böyük Britaniyanın baş naziri 186 min, Zimbabve prezidenti 147 min dollar maaş alır…
