Son 48 saatda 3 fələstinli uşaq sərt soyuqdan ölüb.
Hafta.az-ın CNN-ə istinadən yazdığına görə, bu barədə Qəzza Səhiyyə Nazirliyinin baş direktoru Dr. Munir əl-Burş "X" platformasında verdiyi açıqlamada, Xan Yunusun Mevasi bölgəsindəki köçkünlər üçün düşərgədə dünən Sıla Mahmud əl-Fasih adlı 3 həftəlik yeni doğulmuş qız uşağının donaraq öldüyünü açıqlayıb.
Xan Yunisdəki Nasser Xəstəxanasının Pediatriya və Doğuş şöbəsinin müdiri Dr. Əhməd əl-Fera son iki gündə Qəzza düşərgələrində soyuq və isti sığınacağa çata bilməməsi səbəbindən üç və bir aylıq iki uşağın öldüyünü açıqlayıb.
CNN-in Mevasidəki meydandan çəkdiyi görüntülərdə ağ kəfənlərə bürünmüş körpə Sıla və 31 yaşlı atası Mahmudun balaca bədəni onu qucaqlayır.
Anası Nəriman “Sıla soyuqdan öldü. Onu qucaqlayıb isiddim. Amma onu isitmək üçün əlavə paltarımız yox idi” deyib.
Bu ölümlər yüz minlərlə fələstinlinin İsrailin bombardmanlarından və hücumlarından qaçarkən parça və neylondan hazırlanmış çadırlara məcbur edildiyi dəhşətli şəraiti vurğulayır.
Qəzza Səhiyyə Nazirliyinin məlumatına görə, İsrailin Qəzzanı bombalaması və torpaq işğalı nəticəsində yarısından çoxu qadın və uşaq olmaqla 45 mindən çox fələstinli həlak olub.
Birləşmiş Millətlər Təşkilatının Fələstinli Qaçqınlara Yardım və İşlər üzrə Agentliyinin (UNRWA) baş komissarı Filip Lazzarini çərşənbə axşamı bildirib ki, Qəzzada hər saat bir uşaq ölür.
