Moskva vilayətinin administrasiyası mənzillərin bağçalarında içki bazarlarını qadağan etməyə hazırlaşır. Moskva vilayətinin qubernatoru Andrey Vorobyov mövzu ilə bağlı açıqlamasında deyib: “Çoxmərtəbəli binaların bağçalarında spirtli içkilərin satışı qadağan olunacaq. Xüsusilə çoxmənzilli binaların birinci mərtəbələrində yerləşən içki bazarları səs-küy, zibil və digər narahatlıqlar yaradır. “Yaşayış yerləri spirtli içki satışı üçün uyğun deyil”.
Hafta.az-ın yazdığına görə, o, həmçinin bildirib ki, saat 23:00-dan 08:00-a qədər çoxmənzilli binalardakı restoran və kafelərdə spirtli içkilərin satışına qadağa qoyulması ilə bağlı tənzimləmə Moskva Vilayət Şurası tərəfindən dəyərləndiriləcək.
Yeni reqlament qəbul olunarsa, sentyabrın 1-dən qüvvəyə minəcək. Bölgədəki 3400-dən çox içki satış məntəqəsi bu qərardan təsirlənəcək.
Rəsmilərin sözlərinə görə, “Krasnoe & Beloe” və “Bristol” kimi böyük içki mağazalar şəbəkələri də daxil olmaqla, 1947 mağaza bu məhdudiyyətlərə məruz qalacaq.
Rusiyada 1995-ci ildə qəbul edilmiş federal qanuna əsasən, spirtli içkilərin satışına ümumiyyətlə səhər saat 08:00-dan 23:00-dək icazə verilir, baxmayaraq ki, yerli hökumətlər əlavə məhdudiyyətlər tətbiq etmək hüququna malikdir. Məsələn, Sankt-Peterburqda saat 11:00-dan 22:00-a qədər spirtli içki satışı həyata keçirildiyi halda, Samarada çoxmənzilli binalarda yerləşən restoranlarda gecə saat 22:00-dan sonra spirtli içkilərin satışı qadağandır.
Rusiyanın müxtəlif bölgələrində spirtli içkilərin satışına müxtəlif məhdudiyyətlər qoyulub. Məsələn, Vologda vilayətində spirtli içki satışı iş günləri saat 12:00-14:00 arasında həyata keçirilə bilər, Tuvada isə bu müddət 11:00-15:00 ilə məhdudlaşır. Yakutiyada satışlar 14:00-dan 20:00-a qədər aparılır.
Ən sərt qaydalar Çeçenistandadır. Bu respublikada sərt alkoqollu içkilər gündə cəmi iki saat - saat 08:00-10:00 arası, digər saatlarda isə yalnız aşağı alkoqollu içkilər satıla bilər.
