Sorğulara görə, ukraynalıların 53%-i prezident Vladimir Zelenskinin Türkiyəyə son səfərini uğurlu hesab edir.
Hafta.az "Ukrainskaya pravda" nəşrinə istinadla xəbər verir ki, "Reytinq" qrupunun mayın 16-da keçirdiyi sorğudan bu nəticəyə gəlinib.
Nəticələrə əsasən, respondentlərin mütləq əksəriyyəti (74%) heç bir şərt olmadan 30 günlük atəşkəs təşəbbüsünü dəstəkləyir.
Əksəriyyət prezident Zelenskinin Türkiyəyə son səfərini də uğurlu hesab edir (53%).
Ukrayna liderinə etimad səviyyəsi 70% səviyyəsində sabitləşib ki, bu da ilin əvvəli ilə müqayisədə (53-58%) yüksəkdir.
Respondentlərin yalnız dörddə birinin Türkiyədəki danışıqların Ukraynanı sülhə yaxınlaşdıracağına inanmasına baxmayaraq, onlar hesab edirlər ki, Ukrayna danışıqlara açıqlıq nümayiş etdirməyə davam etməlidir və prezident Zelenski (47%) Kreml rəhbəri olmasa belə, danışıqlarda iştirak edə bilər.
