Xəbərdarlıq: Sibir soyuqlarına hazır olun

11:50 08.12.2023 Müəllif:Vüsal Tağıbəyli
Yazını böyüt
Yazını kiçilt

Rusiya Meteorologiya Mərkəzinin məlumatına görə, ölkə ərazisində havanın temperaturu mövsümi normadan aşağı düşəcək.

Hafta.az-ın yazdığına görə, yaxın günlərdə bəzi rayonlarda havanın temperaturunun mənfi 50 dərəcəyə enəcəyi bildirilib.

Mərkəzin baş meteoroloqu Roman Vilfand da fırtınalar barədə xəbərdarlıq edir.

Sankt-Peterburqun daxil olduğu Şimal-Qərb bölgəsində həftənin sonuna kimi havanın temperaturu mənfi 18-25 dərəcəyə enəcək.

Vilfand bildirib ki, şaxta Moskvada da müşahidə olunacaq. Paytaxtda gözlənilən temperatur mənfi 14-23 dərəcə arasında olacaq.

Ölkənin ən soyuq bölgəsi olan Yakutiyada termometrlər mənfi 48 ilə 56 arasında göstərəcək.

Meteoroloqlar qeyd edirlər ki, bu temperaturlar mövsüm normalarından 8-10 dərəcə aşağıdır.

Oxunma sayı 92