Rusiyada xarici agent elan edən araşdırma təşkilatı "Levada Center" ölkə vətəndaşlarının hansı xarici dilləri bildiyinə dair suala cavab axtarıb. Avqustda keçirilən sorğunun nəticələrinə görə, hər 5 rusiyalıdan 1-i ən azı bir xarici dildə sərbəst danışa bilir.
Hafta.az-ın yazdığına görə, ən yüksək nisbətə malik yaş qrupu 29 faizlə 18-24 arasındadır. 55 və yuxarı yaşda olanlar üçün xarici dil bilmə nisbəti 12 faizə enir.
Regional əsasda, xarici dil bilənlərin sayına görə Sankt-Peterburq 38 faizlə birinci yerdədir. Moskvada bu nisbət 32 faiz, Uralda isə 10 faizdir.
Ən çox danışılan xarici dil 72 faizlə ingilis dilidir. Bunu 16 faizlə alman, 9 faizlə ukrayna dili izləyir. Azərbaycan, türk və fransız dillilərində danışa bildiyini deyənlər isə mvafiq olaraq 3 faizdir. Digər bütün dillərin cəmi 6 faiz olaraq hesablanıb.
