Yazını böyüt
Yazını kiçilt
Qazaxıstanın birinci prezidenti Nursultan Nazarbayevin kiçik qardaşı Bolat Nazarbayev bu gün Almatı vilayətinin Şamalgan kəndində dəfn edilib.
Hafta.az-ın Kazinform-a istinadən yazdığına görə, Bolat Nazarbayevlə vidalaşmağa çox sayda insan gəlib. Gələnlər arasında təbii olaraq, mərhumun qardaşı - Qazaxıstanın ilk prezidenti Nursultan Nazarbayev və baş nazir Əlixan Smailov da var.
Xatırladaq ki, Bolat Nazarbayev uzun sürən xəstəlikdən sonra noyabrın 13-də səhər saatlarında vəfat edib. Onun 70 yaşı var idi.
Bolat Nazarbayevin noyabrın əvvəlində xəstəxanaya yerləşdirildiyi bildirilir.
