Yekunlaşmaqda olan 2023-cü il Azərbaycan üçün uğurlu il kimi tarixə düşdü. Ərazi bütövlüyümüz, suverenliyimiz təmin olundu. Ümid edilirdi ki, 2023-cü ildə sülh müqaviləsi bağlanacaq. Lakin bu il atılan addımlar 2024-cü ilə nikbin il kimi yanaşmaq üçün imkanlar yaradır.
Hafta.az xəbər verir ki, bunu Milli Məclisin bugünkü iclasında deputat Elman Nəsirov bildirib.
Deputat qeyd edib ki, Sankt-Peterburqda keirilən sammit belə bir qənaət yaradır ki, tərəflər sülh müqaviləsinin bağlanması üçün daha qətiyyətli mövqe göstərəcək.
“Sülhlə bağlı yeni yanaşmalar diqqətdən yayınmır. Bu da ondan ibarətdir ki, delimitasiya, sərhədlərin bəlli olunmasını sülh müqaviləsindən sonraya saxlamaq olar. Proseslər deməyə əsas verir ki, sülh müqaviləsi ilə bağlı ortaq məxcə gəlmək mümkündür”.
