Mövsüm ərzində Türkiyədəki tur qiymətlərinin həddən artıq yüksək olmasından şikayətlənən ruslar üçün yeni ünvan sentyabr ayı göstərilib. Sentyabrın əvvəlində Rusiya Tur Operatorları Assosiasiyası (ATOR) Antalyanın istirahət mərkəzlərində iki nəfərlik üçulduzlu oteldə bir həftəlik tur paketini 92500-100 min rubl civarında hesablayıb.
Hafta.az-ın yazdığına görə, Rusiyada məktəblər sentyabrın 1-də açıldığı üçün adətən ayın əvvəlində tələbatda azalma müşahidə olunur. Digər tərəfdən, ayın ortasında Antalyanı seçənlər eyni paket üçün bir qədər yüksək (108-115 min rubl arası) ödəyəcəklər.
Sentyabrın əvvəlində ATOR Antalya istirahət mərkəzlərində iki nəfər üçün həftəlik 115-143 min rubl arasında ən ucuz hər şey daxil beşulduzlu otel paketini hesablayıb.
Mütəxəssislər bildirirlər ki, Antalyanın əksər otellərində ayın ortalarında turlar ayın əvvəlinə nisbətən 13-16 faiz bahalaşıb.
Digər tərəfdən, Türkiyə payız mövsümü üçün turoperatorlar və turizm agentlikləri arasında satış liderliyini qoruyub saxlayır. Bütün rezervasiyaların təxminən yarısı Türkiyəyə məxsusdur.
İlk beşlikdə Türkiyədən sonra Birləşmiş Ərəb Əmirlikləri, Rusiya, Misir və Tailand yer alır.
ATOR-un bəyanatına görə, payız rezervasiyalarının 48 faizi Türkiyə, 18 faizi BƏƏ, 9 faizi Rusiya tərəfindən qəbul edilir.
Bu arada, ilk dəfə olaraq Soçidən Tailanda birbaşa uçuşların başladığı açıqlanıb.
