Amerikalı aktyor Mark Ruffalo sosial media hesabında "Qəzzada həyatı alt-üst olan bütün günahsız uşaqlar üçün bir ürək olaraq deyirik: adımızı çəkməyin. Bütün ölümlər dayandırılmalıdır" deyə paylaşım edib.
Hafta.az-ın “Variety”a istinadən yazdığına görə, videomesaj paylaşan Ruffalo "Hazırda Qəzzada 6 yaşdan kiçik hər 2 uşaqdan biri pis qidalanır və aclıq riski altındadır. Fələstində dərhal atəşkəs tələb etmək üçün dünyaya qoşulun. İnsanlığımız ondan asılıdır. Başqa bir dünya qurmaq mümkündür və biz bunu həyata keçirəcəyimizə söz veririk" deyə çağırış edib.
Amerikalı aktyorun paylaşdığı videoda o, “Hökumətlərimizin adımızdan etdiyi haqsızlıqlara qarşı ayağa qalxmağın məsuliyyətimiz olduğuna inanırıq”, “Bizim adımıza sonsuz müharibə aparmayacaqsınız”, “Bir daha ölüm olmayacaq", "Bizim adımızla dinc əhalini bombalamayacaqsınız, daha çox uşaq öldürməyəcəksiniz və tarixin adsız məzarların üzərindən axmasına icazə verməyəcəksiniz” deyib.
