Azərbaycan üçün iki əsas təhlükə - BİRİ İRAN, DİGƏRİ... - FORBESDƏN XƏBƏRDARLIQ

11:18 02.02.2023 Müəllif:Azad Əliyev
Yazını böyüt
Yazını kiçilt

Amerikanın nüfuzlu Forbes nəşri Azərbaycanla bağlı analitik material dərc edib və ölkəmizə qarşı mümkün təhdidləri açıqlayıb.

"Avropa enerji böhranından tam çıxmayıb, hələ də siyasi risklər var. Bundan əlavə, Azərbaycan qazının Avropaya nəqlinə təhlükə yarada biləcək regionda sabitliyi pozan faktor qaçaq erməni milyarder Ruben Vardanyandır" - Forbes nəşri yazıb.

Vardanyan Azərbaycana məxsus qızıl, mis və molibden mədənlərini talayır. Ceymstaun Fondunun baş elmi işçisi Yanuş Buqayskinin sözlərinə görə, Vardanyan uydurma rəqəmlərin köməyi ilə vəziyyəti destabilləşdirməyə və manipulyasiya etməyə çalışır.

Nəşr öz əminliyini bildirir ki, enerji böhranının nəticələrinin yumşaldılmasına baxmayaraq, Avropa hələ də bu sahədə müəyyən çətinliklərlə üzləşir.

Qeyd olunur ki, İran Azərbaycanın Avropaya enerji təchizatı üçün əsas təhlükələrdən biridir.
"Tehranın Azərbaycanla öz problemləri var. Birincisi, İran Azərbaycanla İsrail arasında sıx diplomatik münasibətlərin olmasını qəbul edə bilməz. Bundan əlavə, Ceymstaun Fondunun payızda dərc etdiyi təhlilə görə, Tehran Zəngəzur dəhlizinin açılmasının əleyhinədir. Bu dəhliz İran və Ermənistanı birləşdirən ərazini keçəcək.Keçən həftə İslam İnqilabı Keşikçiləri Korpusu Azərbaycana "videoxəbərdarlıq" - İran bayraqları ilə sərhəddə hərbi formada dayanan uşaqların videogörüntüsünü dərc edib.

Məqalədə yanvarın 27-də Azərbaycanın İrandakı səfirliyinə hücumdan xüsusi bəhs edilir.
Beynəlxalq Maliyyə İnstitutunun baş iqtisadçısı Robin Bruks qiymətlərin düşməsinin Avropa üçün qarışıq siqnal olduğunu bildirib.Bruks özünün Twitter səhifəsində yazıb ki, “enerji şoku” hələ böhran deyilsə də, var. Bəzi ölkələrdə elektrik enerjisinin qiymətləri daha yüksəkdir. Xüsusən də Avropa iqtisadiyyatının aparıcı ölkəsi olan Almaniyada. Avropa İttifaqı Rusiya neftini və qazını enerji matrisindən çıxarmaqda kifayət qədər uğurlu olmuşdur, baxmayaraq ki, qazın bir hissəsi hələ də “Türk axını” boru kəməri vasitəsilə və qaz şəklində tədarük edilir. Bu həcmləri əvəz etmək üçün Qətər, Misir, Azərbaycan (təbii qaz) və ABŞ ilə yeni enerji ittifaqları yaradılıb”, - Forbes yekunlaşdırır.

"Əvvəllər Rusiya qazı Avropa ölkələrinin idxal etdiyi ümumi qazın təxminən 40%-ni, Almaniyanın qaz idxalının isə 60%-ni təşkil edirdi. Sənayenin hesablamalarına görə, Aİ son 20 ildə Rusiya qazının alışını 150% artırıb. Azərbaycan qazı Ötən yay Avropanın enerji probleminin həllinə çevrildi. Ölkə artıq Avstriya, Bolqarıstan, Almaniya, Yunanıstan, İtaliya, İspaniya, İrlandiya, Portuqaliya, Rumıniya, Xorvatiya və Çexiyaya neft və qaz tədarük edir. 2022-ci ildə Azərbaycan qazının tədarük həcmi DataLab Beynəlxalq Siyasi Tədqiqatlar İnstitutunun rəhbəri Matteo Villanın dediyinə görə, 12 milyard kubmetrə çatdı və 2027-ci ilə qədər ölkə təbii qaz idxalını iki dəfə artıracaq. Adriatik boru kəməri ilə Azərbaycan artıq “İtaliyanı sənayesizləşmədən xilas edib”.

Oxunma sayı 476