Həftəsonu Hindistanın Bihar əyalətində kəndlərdən birində 200-dən çox adam bir qadını diri-diri yandırıb. 45 yaşlı Rita Devi cadugərlikdə şübhəli bilindiyi üçün hücuma məruz qalıb. Hindustan Times xəbər verir ki, bir ay əvvəl o, xroniki xəstəliyi olan bir kişinin ölümündə ittiham olunub.
Məlumata görə, kişinin ailəsi qonşu Carkhand əyalətindən bir şeytan çıxaran şəxs çağırıb və bu, çoxlu tamaşaçı toplayıb. Lakin şeytan çıxaran onlara cavab verə bilməyəndə, camaat hiddətlənərək Devinin evinə tərəf gedib. İddiaya görə, qəzəbli kütlə Devinin evinin ərazisinə soxulub və onu döyüb, sonra ona benzin tökərək yandırıb.
Hazırda qətllə bağlı ən azı 14 nəfər həbs edilib, daha 65 nəfərin şəxsiyyəti müəyyən edilib. Polis daha çox şübhəlini müəyyən etmək üçün videoları nəzərdən keçirir.
Səlahiyyətlilər həmçinin mümkün polis səhlənkarlığını araşdırır. Devinin ailəsinin dediyinə görə, onlar dəhşətli hadisədən bir ay əvvəl ona qarşı təhdidlər barədə məlumat veriblər.
Cadugər ovları Bihar, Jharkhand və digər yaxın ştatların ucqar ərazilərində tez-tez bildirilir.
Məlumatlara görə, 2001-2012-ci illər arasında ölkə üzrə təxminən 2100 belə qətl hadisəsi baş verib.
